តេហេរ៉ង់ ៖ នៅថ្ងៃអាទិត្យ ទី១ ខែមីនា ឆ្នាំ២០២៦នេះ អ្នកកាន់ទុក្ខរាប់ពាន់នាក់បានប្រមូលផ្តុំគ្នា នៅកណ្តាលរដ្ឋធានី របស់ប្រទេសអ៊ីរ៉ង់ បន្ទាប់ពីការស្លាប់ របស់មេដឹកនាំកំពូល លោក Ayatollah Ali Khamenei នេះបើយោងតាមអ្នកកាសែត AFP ។

នៅឯទីលានបដិវត្តន៍ Enghelab អ្នកកាន់ទុក្ខ ដែលភាគច្រើន ស្លៀកពាក់ខ្មៅ បានយំទួញសោក និង ស្រែកថា «ស្លាប់ទៅ អាមេរិក» និង «ស្លាប់ទៅ អ៊ីស្រាអែល» ដោយមានមនុស្សម្នាជាច្រើន បានគ្រវីទង់ជាតិ អ៊ីរ៉ង់ និង កាន់រូបថត របស់លោក Khamenei។

សារព័ត៌មានអន្តរជាតិនានា រួមទាំង អ៊ីរ៉ង់ បានប្រកាសថា លោក Ayatollah Ali Khamenei ត្រូវបានសម្លាប់ អំឡុងការវាយប្រហាររួមគ្នារវាងអាមេរិក និងអ៊ីស្រាអែល កាលពីថ្ងៃសៅរ៍៕

ប្រភពពី AFP ប្រែសម្រួល ៖ សារ៉ាត