ការបោះឆ្នោតជ្រើសរើសប្រធានក្លិបថ្មី របស់ក្លឹប Barcelona នឹងប្រព្រឹត្តទៅ នាឆ្នាំ២០២១ខាងមុខ
អត្ថបទដោយ៖
ចាន់ វិចិត្រ
ក្រោយពីការដឹកនាំមិនសូវទទួលបានលទ្ធផលល្អ ក្នុងរដូវកាល២០១៩-២០២០ និងមានបញ្ហារកាំរកួស ជាមួយកីឡាករឆ្នើម Lionel Messi ក្រុមអ្នកមានបុណ្យ Barcelona បានបញ្ជាក់ជាផ្លូវការថា នៅថ្ងៃទី២០-២១ ខែមីនា ឆ្នាំ២០២១ខាងមុខ សមាជិកក្លឹបទាំងអស់ និងធ្វើការបោះឆ្នោតជ្រើសរើសប្រធានក្លិបថ្មី ។
លោក Josep Maria Bartomeu ដែលជាប្រធានក្លិបនាពេលបច្ចុប្បន្ន បានប្រឈមមុខនឹងការរិះគុណយ៉ាងខ្លាំង រយៈពេលប៉ុន្មានសប្តាហ៍កន្លងមកនេះ បន្ទាប់ពីមានរឿងអាស្រូវផ្ទេរកីឡាករ Lionel Messi ចេញពីក្លឹប ។ ការដឹកនាំរបស់លោក Bartomeu បានចោទជាបញ្ហា មុនពេលដែលក្លឹបជួប បញ្ហាហិរញ្ញវត្ថុ និងបរាជ័យជាប្រចាំ នៅក្នុងទីផ្សារដោះដូរកីឡាករក្នុងរយៈពេលប៉ុន្មានឆ្នាំចុងក្រោយនេះ ។ ការកាន់តំណែងរបស់គាត់អាចនឹងត្រូវបញ្ចប់ ក្នុងរយៈពេល៦ខែទៀត ដោយ Barcelona បានបញ្ជាក់ថា ការបោះឆ្នោត នឹងប្រព្រឹត្ត ទៅនៅចុងខែមីនា ឆ្នាំក្រោយ ៕
ចាន់ វិចិត្រ
បន្ថែមពីលើជំនាញផ្នែកកាត់ត ក៏អាចថត សរសេរអត្ថបទ បញ្ចូលសម្លេង និងជាពិធីករបានយ៉ាងស្ទាត់ជំនាញ។ បច្ចុប្បន្ន លោកក៏បានបង្កើតកម្មវិធីកីឡាថ្មី២បន្ថែម សម្រាប់ទូរទស្សន៍អប្សរា និងបណ្តាញផ្សព្វផ្សាយសង្គមផងដេរ។