ពលរដ្ឋ ២គ្រួសារ រស់នៅខេត្តកែប ដែលរងគ្រោះដោយខ្យល់កន្ទ្រាក់ទទួលអំណោយមនុស្សធម៌ពីកាកបាទក្រហមកម្ពុជា
ខេត្តកែប៖ នៅថ្ងៃ ទី១៤ ខែធ្នូ ឆ្នាំ២០២០ លោកស្រី អ៊ុល ភីរុណ អនុប្រធានអចិន្ទ្រៃយ៍ គណៈកម្មាធិការសាខាកាកបាទក្រហម ខេត្តកែប តំណាងឯកឧត្តម សោម ពិសិដ្ឋ ប្រធានគណៈកម្មាធិការសាខាកាកបាទក្រហមកម្ពុជាខេត្តកែប បានចុះសួរសុខទុក្ខ និងនាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ចែកជូនដល់ប្រជាពលរដ្ឋរងគ្រោះ ដោយសារខ្យល់ព្យុះ និងខ្យល់កន្ទ្រាក់នៅឃុំអង្កោល ស្រុកដំណាក់ចង្អើរចំនួន ។
លោកស្រីអនុប្រធាន បានពាំនាំនូវ ប្រសាសន៍ផ្តាំផ្ញើ និងសួរសុខទុក្ខពីសំណាក សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម សោម ពិសិដ្ឋ ប្រធានគណៈកម្មាធិការសាខា កាកបាទក្រហមកម្ពុជាខេត្ត ដែលជានិច្ចកាលតែងតែយកចិត្តទុកដាក់ សុខទុក្ខ និងការលំបាករបស់បងប្អូនប្រជាពលរដ្ឋនៅគ្រប់ទិសទី ជាពិសេសនៅពេលដែលបងប្អូនជួបប្រទះនូវគ្រោះ មហន្តរាយផ្សេងៗ ។
ក្នុងឱកាសនោះលោកស្រី អនុប្រធាន បានអំពាវនាវដល់បង ប្អូន ប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ ចំពោះបាតុភូតខ្យល់កន្ត្រាក់ ផ្គរ រន្ទះ បើទោះបីអាកាសធាតុអំណោយផលក៏ដោយព្រោះនេះជាបញ្ហាប្រែប្រួលអាកាសធាតុអាចកើតឡើងគ្រប់ពេល ដូច្នេះសូមបងប្អូនទាំងអស់ ត្រូវបង្កៀនការប្រុងប្រយត្នខ្ពស់។
សូមបញ្ជាក់ថាបាតុភូតភ្លៀងធ្លាក់លាយឡំ និងខ្យល់កន្ទាក់កន្លងមកនេះ បានបណ្តាលអោយផ្ទះរបស់បងប្អូនប្រជាពលរដ្ឋនៅ ឃុំអង្កោលស្រុកដំណាក់ចង្អើរ នៃខេត្តកែប រងការខួចខាត បើងដំបូលចំនួន ០២គ្រួសារ ប៉ុន្តែមិនបណ្តាលអោយ ប្រជាពលរដ្ឋ ណាម្នាក់រងរបួសឡើយ។ សម្ភារដែលសាខាកាកបាទក្រហម បានចែកជូនប្រជាពលរដ្ឋរងគ្រោះទាំង០២គ្រួសារ ក្នុងមួយគ្រួសារៗទទួលបាន៖ អង្ករ ៥០ គក្រ, មី០១កេះ, ទឹកត្រី០១ យួរ, ទឹកសីអីវ០១យួរ, ត្រីខ ០២ឡូ និងថវិកា ២០០,000រៀល។
លោកស្រី ក៏បានណែនាំបងប្អូនប្រជាពលរដ្ឋ រួមគ្នាដាំដំណាំរួមផ្សំ បន្លែបង្ការផ្សេងៗ ចិញ្ចឹមសត្វ បង្កបង្កើនផល ជៀសវាងការលេងល្បែងស៊ីសងគ្រាប់ប្រភេទ ទន្ទឹមនឹងនេះ បងប្អូនត្រូវ ថែទាំសុខភាពឱ្យបានល្អ ជាពិសេសការពារកុមារតូចៗ ជៀសវាងកុំឲ្យមូសខាំ ដែលអាចបង្កជាជំងឺគ្រុនឈាម និងជំងឺផ្សេងៗ ពិសេសនោះគឺជំងឺគ្រុនឈីកដែលកំពុងរាតបាតនៅតំបន់មួយចំនួន ក្រៅពីនេះក៏សូមអោយបងប្អូនបន្តនូវវិធានការអនាម័យ អោយបានជាប់ជាប្រចាំ រក្សាគម្លាសង្គម ក៏ដូចជាបុគ្គល ដើម្បីរួមគ្នាទប់នូវលក់ទី២ នៃការឆ្លង ជំងឺកូវីដ-១៩ ចូលមកក្នុងសហគមន៍៕ Sila Sarin