អតីតនាយករដ្ឋមន្ត្រីជប៉ុនអាចនឹងត្រូវកោះហៅមកសួរនាំរឿងល្មើសនឹងច្បាប់មូលនិធិបោះឆ្នោត
អតីតនាយករដ្ឋមន្ត្រីជប៉ុន ស៊ីនសូ អាបេ ប្រហែលជាត្រូវរដ្ឋសភាកោះហៅមកសួរនាំរឿង ល្មើសនឹងច្បាប់មូលនិធិបោះឆ្នោត នេះបើតាប្រភពពីគណបក្សកាន់អំណាចនិងរដ្ឋាភិបាលបញ្ជាក់ប្រាប់សារព័ត៌មានរយធឺ នៅថ្ងៃព្រហស្បតិ៍ ទី២៤ ធ្នូនេះ។
ប្រភពដែលនិយាយសុំមិនបញ្ចេញឈ្មោះអោយដឹងថា លោកអាបេប្រហែលជាត្រូវកោះអញ្ជើញអោយផ្តល់ចម្លើយនៅថ្ងៃសុក្រ។ ជាមួយគ្នាក៏កំពុងពិចារណា ជំនួបតាមប្រព័ន្ធអនឡាញដើម្បីផ្សព្វផ្សាយជាសាធារណៈ។
លោក អាបេ បានសម្រេចលាលែងតំណែងនាយករដ្ឋមន្ត្រីជប៉ុន កាលពីខែកញ្ញា ក្នុងហេតុផលលោកមានបញ្ហាសុខភាព ហើយឥឡូវនេះលោកស្ថិតនៅក្នុងការសង្ស័យទៅលើថ្លៃចំណាយអាហារពេលល្ងាច ដែលរៀបចំសម្រាប់ក្រុមអ្នកគាំទ្ររបស់លោកដែលត្រូវបានសង្ស័យថា ល្មើសនឹងច្បាប់មូលនិធិបោះឆ្នោត៕
