កូរ៉េខាងត្បូងឈានដល់ការចុះកិច្ចព្រមព្រៀងទិញវ៉ាក់សាំង Covid-19 ពី Pfizer និង Janssen សរុបចំនួន១៦លានដូស ដើម្បីចាក់ជូនប្រជាជនខ្លួន
កូរ៉េខាងត្បូង៖ កូរ៉េខាងត្បូងបានចុះហត្ថលេខាលើកិច្ចព្រមព្រៀង ក្នុងការបញ្ជាទិញវ៉ាក់សាំង COVID-19 ពីក្រុមហ៊ុនផលិតឱសថអាមេរិក ភីហ្វីហ្សឺ ចំនួន១០លានដូស និង ក្រុមហ៊ុនអង់គ្លេស ចេនសិន ជាបុត្រសម្ព័ន្ធនៃក្រុមហ៊ុន Johnson & Johnson ចំនួន០៦លានដូសទៀត នេះបើតាមនាយករដ្ឋមន្ត្រីកូរ៉េខាងត្បូងលោក ជុង សេគ្យុន ដកស្រង់ចុះផ្សាយដោយសារព័ត៌មានរ៉យទ័រនៅថ្ងៃទី២៤ ខែធ្នូ ឆ្នាំ២០២០ ។
នាយករដ្ឋមន្ត្រីកូរ៉េខាងត្បូងរូបនេះ បានថ្លែងតាមកញ្ចក់ទូរទស្សន៍នៅថ្ងៃព្រហ ស្បតិ៍នេះថា ប្រទេសរបស់លោកនឹងទទួលបានវ៉ាក់សាំង COVID-19 ដើម្បីប្រយុទ្ធប្រឆាំងនឹង COVID-19 ពីក្រុមហ៊ុន ចេនសិន នៅត្រីមាសទី២ ឆ្នាំ២០២១ ចំនែកឯវ៉ាក់សាំង COVID-19 របស់ក្រុមហ៊ុន ភីហ្វីហ្សឺ នឹងមកដល់នៅត្រីមាសទី៣ ឆ្នាំ២០២១ ។
គួរបញ្ជាក់ផងដែរថា ប្រទេសកូរ៉េខាងត្បូងកំពុងស្ថិតនៅក្នុងស្ថានភាពតានតឹងបំផុតមួយ ស្របពេលដែលអត្រាឆ្លង COVID-19 បានកើនឡើងដល់ខ្ទង់១ពាន់នាក់ជាមធ្យម ជាច្រើនថ្ងៃជាប់ៗគ្នាមកហើយ ដែលបានជំរុញឲ្យអាជ្ញាធរបង្កើនការអនុវត្តវិធានការរឹតបន្តឹងសុវត្ថិភាពសង្គមកាន់តែតឹងរ៉ឹង ៕