អាហារូបករណ៍ ៖ រដ្ឋាភិបាលសាធារណរដ្ឋប្រជាមានិតចិននឹងផ្ដល់អាហារូបករណ៍ 100% ដល់សិស្ស-និស្សិតដែលមានបំណងចង់បន្តការសិក្សាថ្នាក់អនុបណ្ឌិត នៅសាកលវិទ្យាល័យវេជ្ជសាស្រ្ត Dalian នៅប្រទេសចិន ក្នុងឆ្នាំសិក្សា 2021-2023។

អាហារូបករណ៍ដែលផ្ដល់ឱ្យនឹងគិតរួមបញ្ចូលទាំង ថ្លៃសិក្សា ថ្លៃឈ្នួលកន្លែងស្នាក់នៅអន្តេវាសិកដ្ឋាន ឬ កន្លែងស្នាក់នៅក្រៅសាលា (700យាន់/ខែ) ប្រាក់ឧបត្ថម្ភសម្រាប់ការរស់នៅ (3000 យាន់/ខែ) និងការធានារ៉ាប់រងសុខភាព។ រយៈពេលនៃការដាក់ពាក្យ៖ ថ្ងៃទី 01 ខែកុម្ភៈដល់ថ្ងៃទី 15 ខែមេសាឆ្នាំ 2021។

លក្ខខណ្ឌក្នុងការដាក់ពាក្យ៖

• បេក្ខជនមានសុខភាពល្អ និងមិនមែនជាជនជាតិចិន។ មានសញ្ញាប័ត្របរិញ្ញាបត្រ រឺលើសពីនេះ និងមានអាយុក្រោម 35 ឆ្នាំ (គិតត្រឹមថ្ងៃទី 1 ខែកញ្ញាឆ្នាំ 2021)។
• ប្រសិនបើអ្នកដាក់ពាក្យសុំជាជនអន្តោប្រវេសន៍មកពីប្រទេសចិនគាត់គួរតែកាន់លិខិតឆ្លងដែនបរទេសក្នុងរយៈពេលមិនតិចជាង 4 ឆ្នាំនិងមានកំណត់ត្រារស់នៅបរទេស 2 ឆ្នាំ។
• បេក្ខជនជំនាញខាងវេជ្ជសាស្ត្រ ត្រូវតែមានវិញ្ញាបនប័ត្រជំនាញរបស់ចិន HSK 4 ដែលមានពិន្ទុចាប់ពី 180 ឡើងទៅនិងមានសញ្ញាបត្រ MBBS ឬ BDS។
• បេក្ខជនអនុបណ្ឌិតជំនាញចាំបាច់ត្រូវមានវិញ្ញាបនប័ត្រជំនាញភាសាអង់គ្លេស TOFEL (លើសពី 80) ឬ IELTS (5.5 ខាងលើ) ។ សម្រាប់អ្នកដែលមិនអាចផ្តល់នូវលទ្ធផលតេស្តភាសាអង់គ្លេសស្តង់ដារខាងលើអាចផ្តល់ភ័ស្តុតាងនៃការសិក្សានៅស្ថាប័នមុនៗ ដែលភាសាបង្រៀនគឺភាសាអង់គ្លេស ហើយនឹងត្រូវចូលរួមតេស្តភាសាអង់គ្លេស ឬសរសេរផ្ទាល់ដែលរៀបចំឡើងដោយសាកលវិទ្យាល័យវេជ្ជសាស្ត្រ​ Dalian ។
• អ្នកដាក់ពាក្យសុំ ដែលអាចនិយាយភាសាអង់គ្លេសទូទៅបាន អាចត្រូវបានលើកលែងពីការផ្តល់វិញ្ញាបនប័ត្រជំនាញភាសាអង់គ្លេសខាងលើ។

គួរបញ្ជាក់ថា កម្មវិធីអាហារូបករណ៍រដ្ឋាភិបាលចិន ជាអាហារូបករណ៍ពេញលេញដែលបង្កើតឡើងដោយក្រសួងអប់រំចិនក្នុងឆ្នាំ 2008 មានគោលបំណងលើកកម្ពស់ការសិក្សាថ្នាក់ឧត្តមសិក្សារបស់ចិន នៅលើមូលដ្ឋានកម្រិតអន្តរជាតិ។ ចំណែកសាកលវិទ្យាល័យវេជ្ជសាស្ត្រ Dalian ជាសាកលវិទ្យាល័យដែលមានកិត្យានុភាពមួយដែលត្រូវបានចាត់តាំងឱ្យជ្រើសរើសនិស្សិតអន្តរជាតិដើម្បីសិក្សាថ្នាក់អនុបណ្ឌិតសម្រាប់ឆ្នាំ 2021។ សម្រាប់ព័ត៌មានបន្ថែម និងការដាក់ពាក្យ សូមចូលទៅកាន់៖https://iec.dmu.edu.cn/jxj/cup.htm?fbclid=IwAR0ABQOAaGz_YmBcmR9zdIP8ezdNrAofrTnrCpkkTwkyCg50zcqw3iMLWgM ៕