លោកស្រីរដ្ឋមន្ត្រីសុខាភិបាលប្រទេសអាហ្សង់ទីនឆ្លងកូវីដ១៩
លោកស្រី Carla Vizzotti រដ្ឋមន្រ្តីក្រសួងសុខាភិបាលនៃប្រទេសអាហ្សង់ទីន កាលពីម្សិលមិញ បានប្រកាសថា លោកស្រីបានធ្វើតេស្តឃើញលទ្ធផលវិជ្ជមានចំពោះជំងឺ COVID-19 ហើយលោកស្រីបាននិងកំពុងតែធ្វើចត្តាឡីស័ក។
គួរបញ្ជាក់ថា លោកស្រី Vizzotti ជារដ្ឋមន្រ្តីទី៣ហើយនៅប្រទេសអាហ្សង់ទីន ដែលបានវិជ្ជមានជំងឺ COVID-19 គឺបន្ទាប់ពីរដ្ឋមន្រ្តីក្រសួងអភិវឌ្ឍន៍សង្គម និងរដ្ឋមន្រ្តីក្រសួងបរិស្ថាន និងការអភិវឌ្ឍប្រកបដោយចីរភាព។
លោកស្រី Vizzotti បានសរសេរនៅលើគណនីបណ្ដាញសង្គម Twitter របស់លោកស្រីថា «ខ្ញុំចង់ប្រាប់អ្នកទាំងអស់គ្នាឲ្យដឹងថា ខ្ញុំបានធ្វើតេស្តរកជំងឺ COVID-19 ដែលវាស្ថិតក្រោមនីតិវិធីចាំបាច់ មុនពេលអនុញ្ញាតឲ្យឱ្យចូលប្រជុំនៅសភានាថ្ងៃទី០១ ខែមីនា ខាងមុខ ហើយពួកគេបានជូនដំណឹងថា ខ្ញុំបានធ្វើតេស្តឃើញលទ្ធផលវិជ្ជមានចំពោះជំងឺនេះ។»