ថៃរកឃើញអ្នកឆ្លង Covid-19 ថ្មីៗចំនួន៧០ករណីទៀតក្នុងថ្ងៃអាទិត្យម្សិលមិញ
អត្ថបទដោយ៖
ឈឹម ទីណា
ថៃ៖ មជ្ឈមណ្ឌលគ្រប់គ្រងជំងឺ COVID-19 របស់ប្រទេសថៃ (CCSA) នៅថ្ងៃអាទិត្យម្សិលមិញបានរាយការណ៍ពីការរកឃើញនូវករណីឆ្លងជំងឺ COVID-19 ថ្មីៗចំនួន៧០ករណីបន្ថែមទៀត និងពុំមានករណីស្លាប់ត្រូវបានរាយការណ៍ទេ ។
មជ្ឈមណ្ឌលខាងលើនេះបានអោយដឹងទៀតថា ក្នុងចំណោមករណីឆ្លងថ្មីៗនេះ មាន៦២ករណី ជាករណីឆ្លងក្នុងស្រុក ខណៈ០៨ករណីផ្សេងទៀតជាករណីនាំចូល ដែលត្រូវបានរកឃើញនៅលើអ្នកដំណើរដែលបានវិលត្រឡប់មកពីបរទេសវិញ ។
គិតត្រឹមថ្ងៃអាទិត្យម្សិលមិញនេះ ថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន២ម៉ឺន៥ពាន់៩៥១ករណី ក្នុងនោះស្លាប់៨៣នាក់ និងជាសះស្បើយចំនួន២ម៉ឺន៥ពាន់១២៨នាក់ ៕ ប្រភព៖ Bangkok Post
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។