ក្រុមហ៊ុន Apple បើកដំណើរការ Store ចំនួន២៧០របស់ខ្លួនឡើងវិញនៅសហរដ្ឋអាមេរិក
អាមេរិក៖ ក្រុមហ៊ុន Apple បានបើកដំណើរការ Store ចំនួន២៧០របស់ខ្លួនទាំងអស់ឡើងវិញនៅក្នុងសហរដ្ឋអាមេរិក ដែលនេះជាលើកដំបូងហើយដែល Store ទាំងអស់របស់ Apple នៅទូទាំងសហរដ្ឋអាមេរិកបើកឡើងវិញ ចាប់តាំងពីវីរុស Covid-19 ឆ្លងរីករាលដាលខ្លាំង ។
ស្របពេលជាមួយគ្នានោះដែរ ក្រុមហ៊ុនបច្ចេកវិទ្យាយក្សអាមេរិកមួយនេះ មិនបានបញ្ជាក់ពីមូលហេតុដែលបើកដំណើរការ Store របស់ខ្លួនទាំងអស់ឡើងវិញនោះទេ តែប្រភពជិតស្និទ្ធបង្ហើបឱ្យដឹងថា គឺដោយសារតែបច្ចុប្បន្នការចែកចាយវ៉ាក់សាំង Covid-19 ដល់ប្រជាជន ។
មិនតែប៉ុណ្ណោះ ក្រុមហ៊ុន Apple ក៏មិនបានបញ្ជាក់ ថាតើបណ្ដា Store នៅតាមបណ្ដាប្រទេសជាច្រើនទៀតនៅជុំវិញពិភពលោក នឹងបើកដំណើរការឡើងវិញនៅពេលណានោះ ដោយគ្រាន់តែដឹងថា មាន Store ចំនួន១២នៅបារាំង និង Store ចំនួន២នៅប្រេស៊ីល នៅតែបិទមិនដំណើរការ ខណៈ Store ចំនួន២នៅម៉ិចស៊ីកូបានបើកដំណើរការឡើងវិញហើយ ៕ ប្រភព៖ CNBC