ប្រទេសចិនលេចមុខជាងគេពីមួយឆ្នាំទៅមួយឆ្នាំទាំងនៅលើវិស័យសេដ្ឋកិច្ច យោធា និងនយោបាយ។ ម្ល៉ោះហើយ បើគ្មានឧបសគ្គអ្វីធំដុំទេ ចិននឹងច្បាស់ជាក្លាយទៅជាមហាអំណាចពិភពលោកទីមួយ មិនខានឡើយ។ ក៏ប៉ុន្តែប្រទេសលោកខាងលិច និងរួមទាំងប្រទេសអាស៊ីមួយចំនួនមានការព្រួយបារម្ភជាខ្លាំង អំពីឥទ្ធិពលគ្របដណ្ដប់របស់ចិន។ យុទ្ធសាស្រ្តឥណ្ឌូប៉ាស៊ីហ្វិក ដែលក្នុងនោះមានការដឹកនាំនិងចូលរួមពី អាមេរិក ឥណ្ឌា អូស្ត្រាលី និងជប៉ុន កំពុងពង្រឹងសម្ព័ន្ធមិត្តទប់ទល់នឹងឥទ្ធិពលចិន។