ក្លឹបនៅ Premier League ចង់បាន Romelu Lukaku ត្រឡប់មកអង់គ្លេសវិញ
យោងតាមគេហទំព័រ Calcio Mercato បានឱ្យដឹងថា ក្លឹបតោខៀវ Chelsea បានកំណត់គោលដៅចង់បានខ្សែប្រយុទ្ធ Inter Milan កីឡាករ Romelu Lukaku មកទឹកដីអង់គ្លេសវិញ ។
ក្រុមតោខៀវ ចង់ចុះហត្ថលេខាជាថ្មីកីឡាករអន្តរជាតិបែលហ្ស៊ិកវ័យ ២៧ឆ្នាំរូបនេះ ប្រសិនបើមិនអាចទិញកីឡាករ Erling Haaland ពីក្លិប Borussia Dortmund បាន ។ រីឯ ក្លឹប Inter Milan ហាក់មិនចង់លក់កីឡាករ Lukaku នោះទេដោយសារម៉ាស៊ីនរកគ្រាប់មួយនេះកំពុងបង្ហាញភាពលេខធ្លោខ្លាំងនៅអ៊ីតាលី ប៉ុន្តែក្លឹប Chelsea ត្រៀមប្រាក់ច្រើនជាង ១០០ លានអឺរ៉ូ ដើម្បីទិញយកអតីតកីឡាកររបស់ខ្លួនរូបនេះវិញ នៅពេលទីផ្សារបើកឡើងវិញនារដូវក្ដៅខាងមុខ ។
គួរបញ្ជាក់ថា កីឡាករ Romelu Lukaku ធ្លាប់លេងអោយក្លឹប Everton ៣រដូវកាល ពីឆ្នាំ២០១៤ ដល់ ២០១៧ រកបាន៥៣គ្រាប់ បង្ហាញខ្លួន១១០ប្រកួត មុននឹងចេញមក្លឹបបិសាចក្រហម Man Utd ក្នុងឆ្នាំ២០១៧ រហូតដល់២០១៩ រកបាន២៨គ្រាប់ បង្ហាញខ្លួន៦៦ប្រកួត ។ បច្ចុប្បន្នលេងអោយក្លឹប Inter Milan លេងបាន៦៤ប្រកួត រកបាន៤៤គ្រាប់ ៕