រដ្ឋមន្រ្តីក្រសួងព័ត៌មាន អញ្ជើញពិនិត្យមើលទីតាំងរៀបចំធ្វើកន្លែង ចត្តាឡីស័ក និងប្រគេនអង្ករ បច្ច័យ ដល់វត្តទាំង២៧ និងជូនដល់ ឃុំទាំង៨ ក្នុងស្រុកកោះសូទិន ខេត្តកំពង់ចាម
ក្នុងឱកាសអញ្ជើញចុះបំពេញបេសកកម្មការងារនៅខេត្តកំពង់ចាម នាព្រឹកថ្ងៃទី៧ ខែឧសភា ឆ្នាំ២០២១ ឯកឧត្តមខៀវ កាញារីទ្ធ រដ្ឋមន្រ្តីក្រសួងព័ត៌មាន បានអញ្ជើញទៅពិនិត្យមើលទីតាំងត្រៀមធ្វើជាមណ្ឌលចត្តាឡីស័កមួយកន្លែង ស្ថិតនៅក្នុងសាលាពុទ្ធិកសិក្សាវត្តដំណាក់ព្រីង ឃុំមហាលាភ ស្រុកកោះសូទិន ខេត្តកំពង់ចាម ដែលបានរៀបចំហើយរួចរាល់ ក្រោមការចំណាយថវិកាពីឯឧត្តមផ្ទាល់។
តាមការបញ្ជាក់របស់អាជ្ញាធ ស្រុកកោះសូទិនបានអោយដឹងថា ដោយពិនិត្យឃើញពីមានការឆ្លងរីករាលដាលនៃជំងឺកូវីដ១៩កាន់តែច្រើននៅតាមបណ្តាខេត្ត និងរាជធានី ជាបន្តបន្ទាប់មកនេះ អាជ្ញាធរដែនដីស្រុកបានលើកគម្រោងរៀបចំទីតាំងចត្តាឡីស័កមួយកន្លែងក្នុងសាលាពុទ្ធិកសិក្សាវត្តដំណាក់ព្រីង ក្នុងឃុំមហាលាភដោយជួសជុលកែលំអរផ្នែកខ្លះនៃអគារការធ្វើបង្គន់ តប្រពន្ធ័ភ្លើង រៀបចំកន្ទេល ខ្នើយ មុង រួមជាមួយរបស់ប្រើប្រាស់ចាំបាច់មួយចំនួនទៀត។
ក្នុងឱកាសអញ្ជើញចុះទៅពិនិត្យមើលផ្ទាល់នេះ ឯកឧត្តម សា ម៉ន បណ្ឌិតរដ្ឋលេខាធិការក្រសួងព័ត៌មានបានផ្តល់ជូននូវថវិកាចំនួន៥០០ដុល្លា តាមរយះឯកឧត្តមរដ្ឋមន្រ្តី ទុកសម្រាប់ត្រៀមប្រើប្រាស់ក្នុងពេលចំាបាច់ណាមួយនាពេលខាងមុខនេះ។
តមកនៅព្រឹកថ្ងៃដដែលនេះដែរឯកឧត្តមរដ្ឋមន្រ្តី ខៀវ កាញារីទ្ធ រួមជាមួយថ្នាក់ដឹកនាំចុះជួយមូលដ្ឋានស្រុកកោះសូទិន ខេត្តកំពង់ចាម បាននាំយកនូវអង្ករ រួមជាមួយទយ្យទាន និងបច្ច័យ ប្រគេនដល់បណ្តាវត្ត ទាំង២៧ទូទាំងស្រុកកោះសូទិន ផងដែរ។
វត្តទាំង២៧ គឺមានក្នុង៖ ឃុំកំពង់រាបចំនួន៣វត្ត ឃុំកោះសូទិន៥វត្ត ឃុំល្វេ៥វត្ត ឃុំមហាលាភ២វត្ត ឃុំមហាខ្ញូង៣វត្ត ឃុំពាមព្រធ្នោះ៤វត្ត ឃុំពង្រ១វត្ត និងឃុំព្រែកតានង់៤វត្ត ។
សម្រាប់វត្តពង្រឯកឧត្តមខៀវ កាញារីទ្ធ បានប្រគេនអង្ករ៥បាវ បច្ច័យ៤០ម៉ឺនរៀល ទឹកត្រី ទឹកស៊ីអ៊ីវ៨យួរ សាច់ក្រក៤គីឡូ ថវិកាទ្រទ្រង់ប្រចាំ៣ខែស្មើ៣០Oដុល្លា។ជាមួយនេះឯកឧត្តម បានប្រគេនបច្ច័យ១០០ដុល្លាដល់ព្រះចៅអធិការវត្តពង្រផងដែរ។
ដោយឡែកសម្រាប់ឃុំទាំង៨ក្នុងស្រុកកោះសូទិន ឯកឧត្តម រួមជាមួយថ្នាក់ដឹកនាំក្រុមការងារ បានផ្តល់ជូនជារួមនូវម៉ាសចំនួន២កេសធំ និងមី១៦កេសធំ ថវិកាសរុប៨Oម៉ឺនរៀល។ជាមួយនេះឯកឧត្តមសុខ ប្រសិទ្ធ បានបន្ថែមចំនួន៨Oម៉ឺនរៀលទៀតផងដែរ។
សម្រាប់សាលាស្រុកកោះសូទិនឯកឧត្តម ជូនថវិកា១លានរៀលកងកំលាំងយោធា អាវុធហត្ថនិងនគរបាលស្រុកកោះសូទិនថវិកា សរុប៦Oម៉ឺនរៀលផងដែរ៕