ខេត្តតាកែវ បានរកឃើញករណីវិជ្ជមានកូវីដ១៩ថ្មីចំនួន៣៩នាក់ទៀត ក្នុងរយៈពេល២៤ម៉ោងចុងក្រោយនេះ។ សេចក្ដីជូនដំណឹងរបស់រដ្ឋបាលខេត្ត បានឲ្យដឹងថាអ្នកឆ្លងថ្មីទាំង៣៩នាក់នោះ គឺរួមមាន១១នាក់នៅក្នុងស្រុក សំរោង,  ១៧នាក់នៅស្រុកព្រៃកប្បាស, ៥នាក់ នៅស្រុកបាទី, ២នាក់នៅក្នុងស្រុកទ្រាំង, ២នាក់ទៀតនៅស្រុក គិរីវង់ និង២នាក់ទៀតស្ថិតនៅក្នុងស្រុកត្រាំកក់។

អាជ្ញាធរខេត្តបានអំពាវនាវដល់អ្នកដែលជាប់ពាក់ព័ន្ធ ជាមួយ អ្នកវិជ្ជមានកូវីដ១៩ទាំង៣៩នាក់នោះ ត្រូវប្រញាប់ធ្វើចត្តាឡីស័ក។ នៅថ្ងៃទី១១ឧសភានេះផងទៀត អាជ្ញាធរខេត្ត តាកែវ បានសម្រេចបិទខ្ទប់បណ្តោះអាសន្ន ភូមិបាំងបាត់ ក្នុងឃុំចារ នៃស្រុកព្រៃកប្បាស ដែលជាតំបន់មានអ្នក វិជ្ជមានជំងឺកូវីដ-១៩ បានប៉ះពាល់ដោយផ្ទាល់ និងដោយប្រយោលជាច្រើននាក់។