គិតត្រឹមថ្ងៃ១៣ឧសភាៈការចាក់វ៉ាក់សាំងបង្ការជំងឺកូវីដ១៩ បានជិត២០ភាគរយនៃប្រជាជនគោលដៅ១០លាននាក់
ភ្នំពេញៈសកម្មភាពនៃការចាក់វ៉ាក់សាំងបង្ការជំងឺកូវីដ១៩ទូទាំងប្រទេស (រួមទាំងក្រសួងការពារជាតិ)គិតពីថ្ងៃទី១០ខែកុម្ភៈ មកដល់ថ្ងៃទី១៣ខែឧសភាឆ្នាំ២០២១ម្សិលមិញនេះ សម្រេចចាក់ជូនប្រជាជនបានចំនួន ១.៩៩៦.៧៧៥ នាក់ ក្នុងចំណោមអ្នកស្ម័គ្រចិត្តចំនួន ២.០៦៤.៨៨៣ នាក់។ចំនួននេះបានបង្ហាញថា កម្ពុជាសម្រេចបាន១៩,៩៧ ភាគរយនៃអត្រាគ្របដណ្ដប់ធៀបនឹងប្រជាជនគោលដៅសរុបចំនួន ១០ លាននាក់។
គួររំលឹកថា ដើម្បីការពារអាយុជីវិត និងសុខភាពរបស់ប្រជាជន ក៏ដូចជាដើម្បីធានាស្ថិរភាពនៅក្នុងដំណើរការ ជាប្រក្រតីផ្នែកសង្គម និងសេដ្ឋកិច្ច ព្រមទាំងដើម្បីបិទបញ្ចប់ការឆ្លងរាលដាលធ្ងន់ធ្ងរនៃជំងឺនេះនៅក្នុងភូមិសាស្ត្រ រាជធានីភ្នំពេញ និងខេត្តកណ្តាល ក៏ដូចជានៅតាមបណ្តាខេត្តដទៃផ្សេងទៀត រាជរដ្ឋាភិបាល ក៏បានដាក់ចេញនូវ “យុទ្ធនាការជាតិចាក់វ៉ាក់សាំង” ការពារជំងឺកូវីដ-១៩ ដោយប្រើប្រាស់កម្លាំងសរុប និង មធ្យោបាយសរុបរបស់ជាតិ ដើម្បីជំរុញការចាក់វ៉ាក់សាំងនេះឱ្យបានលឿន និងឆាប់រហ័ស ក្នុងរយៈពេលដ៏ខ្លីសម្រាប់ប្រជាពលរដ្ឋដែលមានអាយុ ចាប់ពី ១៨ ឆ្នាំឡើងទៅឱ្យបានគ្រប់រូប សំដៅបង្កើតឱ្យមានភាពសុំ សហគមន៍ (Herd Immunity)ទប់ទល់នឹងការ ឆ្លងរាលដាលនៃជំងឺកូវីដ-១៩។
ប្រទេសកម្ពុជាត្រូវបានវាយតម្លៃនៅចំណាត់ថ្នាក់ទី២ នៃប្រទេសជាសមាជិកអាស៊ានបន្ទាប់ពីប្រទេសព្រុយណេ ដែលបានចាក់វ៉ាក់សាំងជូនប្រជាជនបានច្រើនជាងគេ។
សូមអានតារាងបង្ហាញ