ទំព័រដើមព័ត៌មានCovid-19ប្រធានាធិបតីកោះតៃវ៉ាន់អរគុណសហរដ្ឋអាមេរិកសម្រាប់ជំនួយវ៉ាក់សាំង និងថា ជំនួយនេះនឹងជួយបង្កើនយុទ្ធនាការប្...

ប្រធានាធិបតីកោះតៃវ៉ាន់អរគុណសហរដ្ឋអាមេរិកសម្រាប់ជំនួយវ៉ាក់សាំង និងថា ជំនួយនេះនឹងជួយបង្កើនយុទ្ធនាការប្រយុទ្ធប្រឆាំងជាមួយកូវីដ-១៩របស់ខ្លួន

តៃប៉ិ៖ បន្ទាប់ពីការមកដល់នៃវ៉ាក់សាំង Moderna ចំនួន២.៥លានដូស ប្រធានា ធិបតីកោះតៃវ៉ាន់លោកស្រី ត្សៃ អ៊ីនវិន (Tsai Ing-wen) បានបង្ហោះសារនៅលើបណ្តាញសង្គមធ្វីតធើ ដោយបានអរគុណដល់សហរដ្ឋអាមេរិកចំពោះការបង្ហាញពីកាយវិការនៃភាពជាមិត្ត ហើយថា ជំនួយវ៉ាក់សាំងទាំងនេះ នឹងមានដំណើរវែងឆ្ងាយឆ្ពោះទៅរកសុវត្ថិភាព និងសុខភាពរបស់កោះតៃវ៉ាន់ ។

សហរដ្ឋ​អាមេរិកបាន​បញ្ជូន​វ៉ាក់សាំងបង្ការជំងឺកូវីដ១៩​ចំនួន​២,៥​លាន​ដូ​ស ​ទៅ​កាន់​កោះ​តៃវ៉ាន់​កាលពី​ថ្ងៃ​សៅរ៍សប្តាហ៍មុននេះ ដោយ​លើស​ចំនួន​វ៉ាក់សាំង​ដែល​រដ្ឋាភិបាល​ក្រុង​វ៉ាស៊ីនតោន​បាន​​សន្យា​ផ្តល់​កាលពី​មុន​ដល់​ទៅ​ជាង​បី​ដង ​។​ វ៉ាក់សាំង ​Moderna​ ខាងលើនេះ ​បានដឹកជញ្ជូនតាមជើងហោះហើរពីសហរដ្ឋ​អាមេរិកទៅ​ដល់​កោះ​តៃវ៉ាន់កាលពី​ល្ងាច​ថ្ងៃ​អាទិត្យម្សិលមិញ ។​

គួរកត់សម្គាល់ សហរដ្ឋអាមេរិក និងចិនត្រូវបានគេមើលឃើញថា កំពុងប្រជែងគ្នាដណ្ដើមឥទ្ធិពលភូមិសាស្រ្តនយោបាយតាមរយៈវ៉ាក់សាំងការទូត ។ អាមេរិកកាលពីដំបូងឡើយ បានប្រកាសផ្ដល់វ៉ាក់សាំង COVID-19 ឱ្យកោះតៃវ៉ាន់ត្រឹមតែ ៧៥ម៉ឺនដូសប៉ុណ្ណោះ ក៏ប៉ុន្តែចំនួននេះត្រូវបានបង្កើនបីដងរហូតដល់២.៥លានដូស ៕ ប្រភព៖ Reuters

- Advertisement -spot_img
spot_img
ឈឹម​ ទីណា​
លោក​ ​ឈឹម​ ​ទីណា​ (C​h​him​ ​T​y​n​a​) ​ជា​អ្នកនិពន្ធ​ព័ត៌មាន​ជាតិ​ទូទៅ​ ​សេដ្ឋកិច្ច​ ​និង​អន្តរជាតិ​ ។ លោកបាន​ប្រឡូក​នៅ​តាម​ស្ថាប័ន​ធំ​ៗជា​ច្រើន ​ទាំង​ទូរទស្សន៍​ ​គេហទំព័រ​ ​និង​បណ្តាញ​សង្គម។​ ​លោកជា​អ្នក​យក​ព័ត៌មាន​ជាតិ​ទូទៅ​ ​សេដ្ឋកិច្ច​ ​និង​អន្តរជាតិ​ ជា​អ្នក​សរសេរ​អត្ថបទ​ ​ថត​ ​កាត់ត​ ​បញ្ចូល​ស​ម្លេ​ង​ ​អ្នកប្រែ​សម្រួល​ ​និង​អត្ថាធិប្បាយ​ ​។​ ​លោក​​​មាន​ទំនាក់ទំនង​ស្អិត​រ​មួត​ជាមួយ​អង្គភាព​ ​និង​ក្រុមហ៊ុន​តូច​-​ធំ​ជាច្រើន​នៅ​កម្ពុជា​ ​ដែល​គុណសម្បត្តិ​ទាំងអស់​នេះ​ ​នឹង​ផ្ដល់​ជូន​ទស្សនិកជន​នូវ​ព័ត៌មាន​ដ៏​សម្បូរ​បែប​ប្រកបដោយ​ទំនុក​ចិត្ត​ ​និង​វិជ្ជាជីវៈ​ ​៕

ព័ត៌មានជាប់ទាក់ទង

- Advertisement -spot_img

របាយការណ៍វិភាគ

ព័ត៌មានថ្មី

- Advertisement -spot_imgspot_img

ព័ត៌មានពេញនិយម