យោងតាមសេចក្ដីជូនដំណឹងរបស់រដ្ឋបាលខេត្តរតនគិរីបានឲ្យដឹងថា នៅថ្ងៃទី២០មិថុនា គេបានរកឃើញករណីវិជ្ជមានកូវីដ-១៩ លើមនុស្សចំនួន ២២នាក់បន្ថែមទៀត។ ក្នុងនោះមាននៅក្រុងបានលុង, ស្រុកលំផាត់ និងស្រុកកូនមុំ ។ អ្នកវិជ្ជមាន និងអ្នកពាក់ព័ន្ធត្រូវបានបញ្ជូនទៅព្យាបាល និងធ្វើចត្តាឡីស័កនៅមណ្ឌលចត្តាឡីស័ក និងមន្ទីរពេទ្យបង្អែកក្នុងខេត្ត។ ខេត្តរតនគិរី គិតមកដល់ថ្ងៃទី២០មិថុនាឆ្នាំ២០២១ មានអ្នកឆ្លងជំងឺកូវីដ-១៩ចំនួន១៦២នាក់ ក្នុងនោះបានព្យាបាលជាសះស្បើយចំនួន៨នាក់ និងនៅសល់១៥៤នាក់កំពុងសម្រាកព្យាបាល។