នៅថ្ងៃទី២៤ ខែមិថុនា ឆ្នាំ២០២១ ឯកឧត្តម ឡុង ឌីម៉ង ឯកអគ្គរាជទូតកម្ពុជា ប្រចាំនៅសាធារណរដ្ឋកូរ៉េ បានចេញលិខិតសរសើរ ចំពោះលោកស្រី ស្រួង ភាវី ដែលទទួលបានជ័យលាភីជើងឯកពានរង្វាន់អន្តរជាតិ តំណាងកម្ពុជាលើឆាកអន្តរជាតិ ។
ក្នុងលិខិតសរសើរនោះ បានសរសេរថា សមិទ្ធផលជោគជ័យ និងគំរូវីរភាពដ៏ល្បីរន្ទឺជាបន្តបន្ទាប់ក្នុងអាជីពកីឡាស្នូកឃ័រជម្រើសជាតិកម្ពុជារបស់លោកស្រី ពិតជាបាននាំមកនូវកិត្តិយសដ៏ឧត្តុង្គឧត្តមដល់ប្រទេសជាតិ និងមោទនភាពជាតិក្រៃលែង ជាពិសេសក្នុងចំណោមក្នុងសាធាណជនទូទៅ នៃសាធារណរដ្ឋកូរ៉េ ដែលតែងតែសម្តែងការគោរពស្រលាញ់ គាំទ្រ និងចាត់ទុកលោកស្រី ជាគំរូវីរភាពស្រ្តីក្នុងវិស័យកីឡា ។