វ៉ាក់សាំងបង្ការជំងឺកូវីដ១៩ ប្រភេទ Moderna ចំនួន៣លានដូសទៀតនឹងបញ្ជូនដល់ប្រទេសវៀតណាម នាថ្ងៃអាទិត្យ ខាងមុខនេះ នេះបើតាមក្រសួងការបរទេសវៀតណាមប្រកាស នាថ្ងៃទី២២ កក្កដា ម្សិលមិញ។

អ្នកនាំពាក្យក្រសួងការបរទេសលោក Le Thi Thu Hang បាននិយាយថា «វ៉ាក់សាំង Moderna ៣លានដូសដែលផ្គត់ផ្គង់ដោយអាមេរិក ក្រោមយន្តការកូវ៉ាក់ ត្រូវបានរំពឹងថា បញ្ជូនដល់វៀតណាម នាថ្ងៃទី២៥ កក្កដា»។

លោកបន្តថា ជាមួយនឹងការទៅដល់នូវវ៉ាក់សាំងលឿន ជាមួយនឹងការចាក់វ៉ាក់សាំងទ្រង់ទ្រាយធំនោះ វៀតណាមនឹងអាចសម្រេចការចាក់វ៉ាក់សាំងជូនពលរដ្ឋ ៧០ភាគរយក្នុងចំណោមប្រជាជនសរុប នៅឆ្នាំ២០២១នេះ៕