ពីវត្ថុដែលគេខ្លាចរអា តើគ្រាប់កាំភ្លើងអាចធ្វើអ្វីបានខ្លះ? ចម្លើយមួយដែលនឹក ស្មានមិនដល់ ពីបុរសដែលកំព្រាឪពុកកាលពីសម័យប៉ុលពតបានចាប់ចិត្ត និងប្រឹងប្រែងកែច្នៃសំបកគ្រាប់កាំភ្លើងទៅជាគ្រឿងអលង្ការដ៍ស្រស់ស្អាត និងច្នៃបានគ្រប់ម៉ូត គ្រប់ទំហំទៀតផងបន្ទាប់ពីលោក ធឿន ចាន់ថា មិនចង់ឲ្យកាំភ្លើងជាគ្រឿងអាវុធសម្លាប់មនុស្ស ដូចដែលប៉ុលពតធ្លាប់សម្លាប់ឪពុកលោកនោះទេ។

បើនិយាយពីការចាប់ផ្តើមអាជីវកម្មដំបូងរបស់លោកកំឡុងឆ្នាំ២០១០ បុរសមានកូន២ នាក់ក្នុងបន្ទុករូបនេះ មានត្រឹមប្រាក់ខែ៣ ខែចុងក្រោយប្រមាណ៥០០ដុល្លារ ប៉ុណ្ណោះដើម្បីដំណើរការអាជីវកម្មរបស់លោក ប្រកបដោយការតាំងចិត្ត ស្រលាញ់ និងមានជំនាញជាជាងទងស្រាប់។