អង្គការយូនីសេហ្វ៖ កម្ពុជាមានអត្រាខ្ពស់ជាងគេ នៃប្រជាជនពេញវ័យដែលបានចាក់វ៉ាក់សាំងការពារជំងឺកូវីដ-១៩រួច
រាជធានីភ្នំពេញ៖ប្រទេសកម្ពុជា ជាប្រទេសដែលមានអត្រាខ្ពស់ជាងគេ នៃប្រជាជនពេញវ័យដែលបានចាក់វ៉ាក់សាំងការពារជំងឺកូវីដ១៩រួច នៅតំបន់ប៉ាស៊ីហ្វិកខាងលិច ដែលកំណត់ដោយអង្គការសុខភាពពិភពលោក។នេះបើតាមការប្រកាសឱ្យដឹងពីសំណាក់អង្គការយូនីសេហ្វ។
បើតាមការឱ្យដឹងរបស់ អង្គការយូនីសេហ្វគឺ បើគិតពីអត្រាប្រៀបធៀបនោះ ប្រទេសកម្ពុជា ក៏ស្ថិតក្នុងចំណោមប្រទេសទាំង ១៧ នៅលើពិភពលោក ដែលផ្តល់វ៉ាក់សាំងការពារជំងឺកូវីដ១៩ ដល់គ្រូបង្រៀនមុនគេ ។
គួររំលឹកផងថាគិតរហូតមកដល់ពេលនេះ នៅលើគម្រោងផែនការចាក់វ៉ាកសាំងពលរដ្ឋពេញវ័យចាប់ពី ១៨ ឆ្នាំឡើង នៅក្នុងផែនការ១០ លាននាក់ គឺ កម្ពុជាសម្រេចបាន ៧៤,៨៤ ភាគរយ ហើយចំពោះគោលដៅចាក់សម្រាប់កុមារអាយុ ពី ១២ ដល់ ក្រោម ១៨ ឆ្នាំ កំពុងវិវត្តន៍ទៅមុខដោយវិជ្ជមាន ជាមួយនឹងអត្រា ៦,៣១ ភាគរយ៕
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕