សេតវិមានស្នើអោយអតីតមន្ត្រីរបស់លោក ដូណាល់ ត្រាំ លាលែងពីក្រុមប្រឹក្សាយោធា
វ៉ាស៊ីនតោន៖ សេតវិមាន នៅថ្ងៃពុធសប្តាហ៍នេះបញ្ជាក់ថា ខ្លួនបានស្នើសុំឱ្យអតីតមន្រ្តីនៃរដ្ឋបាលលោក ដូណាល់ ត្រាំ ចំនួន១៨នាក់លាលែងពីក្រុមប្រឹក្សាបណ្តុះបណ្តាលយោធា ដោយនិយាយថា លោកប្រធានាធិបតី ចូ បៃដិន នឹងតម្រូវឱ្យមន្រ្តីបែបនេះត្រូវ “ស្របតាមគុណតម្លៃនៃរដ្ឋបាលនេះ”។
ជាមួយគ្នានេះ មន្ត្រីទទួលបន្ទុកសារព័ត៌មានសេតវិមានអ្នកស្រី Jen Psaki ថ្លែងថា គោលបំណងរបស់លោកប្រធានាធិបតី គឺដើម្បីធានាអ្នកពីការតែងតាំង និងមនុស្សបម្រើការនៅក្រុមទីប្រឹក្សាដែលមានសមត្ថភាពបម្រើ និងអ្នកដែលសមស្របនឹងតម្លៃរបស់អ្នក… ហើយដូច្នេះ ការស្នើសុំនោះត្រូវបានធ្វើហើយ។ មន្ត្រីត្រូវបានស្នើអោយលាឈប់ រួមមានអតីតមន្ត្រីរបស់លោក ត្រាំ លេចធ្លោដូចជា អតីតមន្ត្រីទទួលបន្ទុកសារព័ត៌មាននៅសេតវិមានលោក Sean Spicer, អតីតទីប្រឹក្សាជាន់ខ្ពស់របស់លោកប្រធានាធិបតី អ្នកស្រី Kellyanne Conway និងអតីតទីប្រឹក្សាសន្តិសុខជាតិលោក H.R. McMaster។ ពួកគេត្រូវបានតែងតាំងនៅក្រុមទីប្រឹក្សាយោធាកងទ័ពជើងទឹក ជើងអាកាស និង West Point។
សូមបញ្ជាក់ផងដែរថា ការដកតំណែងមន្ត្រីរបស់រដ្ឋបាលលោក ដូណាល់ ត្រាំ ពីក្រុមទីប្រឹក្សាយោធាបានកើតឡើង បន្ទាប់ពីមន្ទីរបញ្ចកោណថ្មីៗនេះបានចាប់ផ្តើមសើរើក្រុមទីប្រឹក្សាសាថ្មី បន្ទាប់ពីពេលដកអ្នកតែងតាំងរាប់រយនាក់កាលពីខែកុម្ភៈ៕ ប្រភព៖ Reuters
