មនុស្សចំនួន២៥៦នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាលក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ១៩។

មន្ត្រីគណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោកឧត្តមសេនីយ៍ឯក ម៉ៅ ពៅ បានថ្លែង នៅថ្ងៃ ទី២១កញ្ញានេះថា សមត្ថកិច្ចនូវឃាត់បានរថយន្ត១០គ្រឿង,ឃាត់ម៉ូតូ៤៨គ្រឿង និងផាកពិន័យជាប្រាក់បាន ចំនួន ២លានរៀល ក្នុងការអនុវត្តវិធានការច្បាប់ចំនួន៦៤ ករណី នៅថ្ងៃនេះ ៕