វៀតណាម៖ Mercedes –Benz ជាង១៧០០គ្រឿងប្រមូលមកវិញ ជួបហានិភ័យឆេះរថយន្ត
ក្រុមហ៊ុន Mercedes -Benz នៅវៀតណាម កំពុងប្រមូលរថយន្ត C200 ចំនួនជាង ១៧០០ គ្រឿងដែលបានតំឡើង ក្នុងប្រទេសនេះ ពីឆ្នាំ ២០១៤-២០១៨ ដើម្បីដោះស្រាយបញ្ហាដែលជួបហានិភ័យឆាបឆេះរថយន្ត ពោលគឺកំហុស software ទាក់ទងនឹងម៉ាស៊ីនភ្លើង នេះបើតាមប្រភពពីទីភ្នាក់ងារសារព័ត៌មាន VNepxress នាថ្ងៃទី១០ តុលា ២០២១។
ក្រុមហ៊ុនថា ការប្រកាសប្រមូលមកជួសជុលវិញនេះ គឺចាប់ផ្តើមពីថ្ងៃទី២៥ កញ្ញា ដល់ ៣១ ធ្នូ ឆ្នាំ២០២៥។ ដំណោះស្រាយគឺនឹងធ្វើបច្ចុប្បន្នភាព software គ្រប់គ្រងម៉ាស៊ីន ដែលជាការជួសជុលមិនគិតថ្លៃ ចំណាយពេលប្រមាណ ៣០នាទី នៅគ្រប់កន្លែងចែកចាយ Mercedes -Benz ក្នុងប្រទេសវៀតណាម។
គួរបញ្ជាក់ថា រថយន្តរបស់ក្រុមហ៊ុន Mercedes -Benz ចំនួន២៥៥៨គ្រឿង ត្រូវបានលក់នៅក្នុងប្រទេសវៀតណាម៕