Black & White Ep27: ទស្សនកិច្ចរបស់លោក វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន
ទីប្រឹក្សារដ្ឋ និងជារដ្ឋមន្រ្តីការបរទេសចិនលោក Wang Yi នឹងមកបំពេញទស្សនកិច្ចផ្លូវការនៅកម្ពុជានិងបានធ្វើជាអធិបតីនៅក្នុងពិធីប្រគល់ពហុកីឡដ្ឋានជាតិមរតកតេជោ ដែលជាសំណង់នៅក្រោមជំនួយឥតសំណងចំនួន១៦០លានដុល្លារពីរដ្ឋាភិបាលចិន។ ក្នុងនោះលោកក៏បានមកជាមួយនូវជំនួយសំខាន់ៗផ្សេងទៀតផងដែរ។
ទំនាក់ទំនងរវាងប្រទេសកម្ពុជានិងចិន កំពុងក្លាយជាទំនាក់ទំនងចាក់ទឹកមិនលិច ឬត្រូវបានហៅថាជាទំនាក់ទំនងដែកថែប ឬទំនាក់ទំនងយុទ្ធសាស្ត្រគ្រប់ជ្រុងជ្រោយ ដែលនឹងផ្តល់នូវផលប្រយោជន៍យ៉ាងសំខាន់រវាងប្រទេសកម្ពុជា។ នៅក្នុងនយោបាយ គ្មានទេមិត្តនិងសត្រូវគឺមានតែផលប្រយោជន៍។ ដូច្នេះកម្ពុជា កំពុងដើរក្នុងផ្លូវដ៏ត្រឹមត្រូវរឹងមាំនិងច្បាស់លាស់ ព្រោះថា ចិនអាចជាដៃគូរដ៏រឹងមាំយូរអង្វែងនិងអាចមានទុកចិត្តបាន ព្រោះថាចិនបានធ្លាប់ជួយកម្ពុជាក្នុងវិស័យជាច្រើនតាំងពីជំនាន់សម្តេចតាបន្តរហូតមកដល់បច្ចុប្បន្ននេះ។ សមិទ្ធិផលជាច្រើនរបស់សម្តេច តេជោ បានក្លាយជាមរតដ៏មានតម្លៃសម្រាប់អ្នកជំនាន់មុននិងបច្ចុប្បន្ន ហើយក៏បានឆ្លុះបញ្ចាំងពីកិច្ចខិតខំប្រឹងប្រែង វីរៈភាព និងការបូជាចំពោះជាតិមាតុភូមិ។
នៅក្នុងកិច្ចពិភាក្សានេះ វាគ្មិនរបស់យើងនឹងធ្វើការបកស្សាយពាក់ព័ន្ធទៅនឹងសំណួរដូចខាងក្រោម៖
១. ចំពោះលោកវាគ្មិនផ្ទាល់ តើលោកមើលឃើញយ៉ាងណាចំពោះការអញ្ជើញមកដល់របស់លោកវ៉ាង យី?
២. ចំពោះកម្ពុជា-ចិន តើលោកមើលឃើញមានចំណងមេត្រីភាពបែបណា? តើកម្ពុជាចំណេញអ្វី? ខាតអ្វី? ចំពោះភក្ដីភាពនេះ?
៣. ចំពោះក្រុមអ្នកវិភាគនិងបក្សប្រឆាំងលើកឡើងថា ប្រមុខការទូតចិន លោក វ៉ាង យី មកកម្ពុជាដើម្បីពង្រឹងឥទ្ធិពល ជាជាងការផ្ដល់ប្រយោជន៍ឲ្យពលរដ្ឋកម្ពុជា។ ប៉ុន្តែមន្ត្រីរដ្ឋាភិបាលចាត់ទុកដំណើរទស្សនកិច្ចរបស់ លោក វ៉ាង យី លើកនេះថា ជាការពង្រឹងបន្ថែមនូវកិច្ចប្រតិបត្តិការដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំង២។ តើលោកវាគ្មិនយល់បែបណាដែរ?
៤. តើក្នុងជំនួប និងពិធីប្រគល់ពហុកីឡដ្ឋានជាតិមរតកតេជោ មានសារអ្វីខ្លះពីលោក វ៉ាង យ៊ី និងសម្តេចតេជោ?
៥. អ្វីទៅជាទស្សនវិស័យវែងឆ្ងាយរវាង ចិននិងកម្ពុជា? តើមានភាពចាំបាច់ប៉ុណ្ណាដែលយុទ្ធសាស្ត្រនៃទំនាក់ទំនងនេះ ដើម្បីពង្រឹងក្នុងនាមជាដៃគូរអមតៈឥតងាករ៉េ ដើម្បីផលប្រយោជន៍ប្រទេសទាំងពីរ?