Black & White Ep29: សេរីភាពនៃអ្នករងគ្រោះដោយសារព័ត៌មាន
កន្លងមក មានឃើញតែក្រុមនៃអ្នកសារព័ត៌មានទេដែលតែងត្អូញត្អែរ ហើយស្រែកទាមទាររកសេរីភាពនៃសារព័ត៌មាន ខណះពេលខ្លះពួកគេជាអ្នករងគ្រោះ និងបានស្នើសុំការជួយជ្រោមជ្រែងពីស្ថាប័នរដ្ឋ ដើម្បីថាបានទទួទលសិទ្ធសេរីភាព និងតម្លៃរបស់ខ្លួនក្នុងនាមជាអ្នកសារព័ត៌មានកម្ពុជា។
បច្ចុប្បន្ននេះ អ្នកសារព័ត៌មានដែលគ្មានវិជ្ជាជីវៈ និងអ្នកដែលបានពាក់ព័ន្ធនឹងផលប្រយោជន៍ ព្រមទាំងនយោបាយ តែងតែផលិតព័ត៌មានរបស់ខ្លួន និងបញ្ចេញសារដែលធ្វើឲ្យប៉ះពាល់ដល់កិត្តិយសថ្នាក់ដឹកនាំប្រទេស ស្ថាប័នរដ្ឋ អ្នកជំនួញ ព្រមទាំងបុគ្គលនានមួយចំនួន។ ក្នុងនាមជនរងគ្រោះ ដែលមានសិទ្ធិស្មើគ្នានៅចំពោះមុខច្បាប់ ពួកគេអាចមានសិទ្ធិពេញលេញដើម្បីប្តឹងតប ឬចាត់វិធានការណ៍ផ្លូវច្បាប់ណាមួយ ដើម្បីស្វែងរកយុត្តិធម៌។ មានអ្នកសារព័ត៌មានជាច្រើនបានធ្វើឲ្យបាត់បង់តម្លៃនៃសិលធម៌និងវិជ្ជាជីវៈ ដើម្បីផលប្រយោជន៍សេដ្ឋកិច្ច និងនយោបាយ។ ពួកគេខ្លះបានប្រើប្រាស់វេទិការសាព័ត៌មានដើម្បីរិះគន់ និងវាយប្រហារឥតសំចៃទាំងគ្មានភស្តុតាងនិងការពិតក្នុងបំណងបង្ខូចកិត្តិយសថ្នាក់ដឹកនាំស្ថាប័ន និងបុគ្គលមួយចំនួន។
ក្នុងកិច្ចពិភាក្សានេះ វាគ្មិនរបស់យើងនឹងធ្វើការបកស្រាយពាក់ព័ន្ធទៅនឹងប្រធានបទខាងក្រោម៖
១. វាហាក់ដូចជាប្រធានបទប្លែកបន្តិចត្រង់ថា យើងបានធ្វើកម្មវិធីច្រើមគួរសមដែរ ដែលនិយាយពីសេរីភាពសារព័ត៌មាន ប៉ុន្តែលើកនេះយើងនិយាយពីសេរីភាពនៃអ្នករងគ្រោះដោយសារព័ត៌មាន។ តើលោកយល់ឃើញយ៉ាងណាពីប្រធានបទនេះ?
២. អ្វីទៅដែលហៅថារងគ្រោះដោយសារព័ត៌មាន? តើអ្នកសារព័ត៌មានណានិងមានចេទនាយ៉ាងណា ក្នុងការធ្វើឲ្យមានកំហុសពីការបំពានលើនរណាម្នាក់? និងដើម្បីអ្វី?
៣. នៅពេលជួបការបំបារបំពានពីអ្នកសារព័ត៌មាន តើអ្នករងគ្រោះគួធ្វើបែបណា ដើម្បីស្វែងរកយុទ្ធិធម៌សម្រាប់ខ្លួន?
៤. អ្នកព័ត៌មាន ទាំងអ្នកមានវិជ្ជាជីវៈ និងគ្មានវិជ្ជាជីវៈ តិចឬច្រើន តែងបាត់ភាពឯករាជ្យ ហើយទទួលយកឥទ្ធិពលពីអ្នកខាងក្រៅ ជាចៅហ្វាយ អ្នកអ្នកជួល ឬអ្នកដែលមកពឹងពាក់។ តើពិតទេដែលពួកគេបន្តនៅឯករាជ្យ?
៥. ដើម្បីលើកកម្ពស់សិទ្ធិសេរីភាពសារព័តមាន តើអ្នកសាព័ត៌មាន និងអ្នករងគ្រោះគួអនុវត្តក្រមសិលធម៌ និងគោលការណ៍អ្វីខ្លះ