Black & White Ep30: គុណសម្បត្ដិនិងគុណវិបត្ដិ របស់អ្នកវិភាគសង្គមនិងនយោបាយ វគ្គ១
អ្នកវិភាគសង្គមនិងនយោបាយត្រូវបានគេមើលឃើញថា មានសមត្ថភាពក្នុងការប្រមូលនិងវិភាគព័ត៌មាន ដោះស្រាយបញ្ហា និងធ្វើការសំរេចចិត្ត ដែលឈានទៅដល់ការផ្ដល់នូវទិន្នន័យជាក់លាក់ និងអនុសាសន៍ជាក់លាក់មួយចំនួនសម្រាប់អ្នកនយោបាយ ឬដំណោះស្រាយនយោបាយក្នុងសង្គម។ ក៏ប៉ុន្ដែ អ្នកវិភាគសង្គមនិងនយោបាយ ដែលគ្មានសមត្ថភាពនិងស្ថិតក្រោមឥទ្ធិពលនយោបាយជាដើម តែងនាំមកនូវភាពអវិជ្ជមានដល់សង្គម ជាពិសេសអ្នកនយោបាយមានភាពជ្រុលនិយម។ តើគុណសម្បត្ដិ និងគុណវិបត្ដិ របស់អ្នកវិភាគសង្គម និងនយោបាយមានបែបណា? យើងនឹងធ្វើកិច្ចពិភាក្សាសំខាន់មួយ ដែលផ្ដោតទៅលើបញ្ហានេះ៕
នៅក្នុងកិច្ចពិភាក្សានេះ វាគ្មិនរបស់យើងនឹងធ្វើការឆ្លើយតបទៅនឹងសំណួរដូចខាងក្រោម៖
១. តើអ្នកវិភាគសង្គមនិងនយោបាយ ជានរណា?
២. តើពួកគេបានដើរតួនាទីអ្វីខ្លះសម្រាប់សង្គមនិងនយោបាយ?
៣. ការកត់សំគាល់ជាទូទៅបង្ហាញថា អ្នកតាមដានបញ្ហានយោបាយនិងបទវិភាគ ការអប់រំ។ល។ មិនសម្បូរដូចការចង់ដឹងរឿងបុគ្គលនិយម ?
៤. ប្រសិនបើយុវជនជំនាន់ថ្មីចង់ក្លាយខ្លួនទៅជាអ្នកវិភាគ ១រូប ប្រកបដោយសមត្ថភាព ពួកគេគប្បីសិក្សាទៅលើអ្វីខ្លះ?
៥. តើពួកគេមានឥទ្ធិពលវិជ្ជមាននិងអវិជ្ជមានបែបណាខ្លះ ចំពោះលទ្ធផលនៃការវិភាគរបស់ពួកគេ?
៦. តើប្រជាពលរដ្ឋគប្បីមានមូលដ្ឋានអ្វីខ្លះសម្រាប់ផ្ដល់ទំនុកចិត្ដចំពោះអ្នកវិភាគនិងសមិទ្ធិផលរបស់គាត់?