អ្នកវិទ្យាសាស្ត្រ៖ វ៉ារ៉្យង់ជំនាន់ក្រោយវ៉ារ៉្យង់ដែលតា អាចនឹងកាចសាហាវជាងវ៉ារ៉្យង់ជំនាន់មុនៗ
អ្នកវិទ្យាសាស្ត្រ កំពុងអន្ទះសារតាមដានសមត្ថភាពវ៉ារ៉្យង់ក្រោយ វ៉ារ៉្យង់ដែលតា និងជាវ៉ារ៉្យង់មួយនៅពីក្រោយការរីករាលដាលដ៏កាចសាហាវនៅចក្រភពអង់គ្លេស ហើយអាចឆ្លងរាលដាលច្រើនជាងវ៉ារ្យ៉ង់ដែលតាទៅទៀត។
អនុប្រភេទ AY.4.2 នេះ ទើបតែត្រូវបានទទួលស្គាល់ ដោយអ្នកជំនាញខាងរោគសាស្រ្តវិទូ ដែលសិក្សាតាមការវិវត្តហ្សែននៃវ៉ារ៉្យង់ដែលតា ប៉ុន្តែវត្តមានវ៉ារ៉្យង់នេះមានចំនួនជិត ១០ ភាគរយនៃករណីឆ្លងសរុបនៅចក្រភពអង់គ្លេសទៅហើយ។ ប្រេវ៉ាឡង់របស់វា កំពុងកើនឡើងយ៉ាងឆាប់រហ័ស ទោះបីជាមិនលឿនដូចវ៉ារ្យ៉ង់ដែលតាដើម ដូចពេលវារីករាលដាលពីឥណ្ឌាទៅអង់គ្លេសកាលពីដើមឆ្នាំនេះក្ដី។
អ្នកជំនាញ ២ នាក់ គឺលោក Jeffrey Barrett នាយកនៃគំនិតផ្តួចផ្តើមការសិក្សាហ្សែនកូវីដ -១៩ នៅវិទ្យាស្ថានWellcome Sanger Institute នៅ Cambridge និងលោក Francois Balloux នាយកនៃវិទ្យាស្ថាន Genetics Institute នៅសាកលវិទ្យាល័យទីក្រុងឡុងដ៍ បាននិយាយថា ប្រភេទ AY.4.2 នេះ ហាក់ដូចជា មានសមត្ថភាពចម្លងពី ១០ ទៅ ១៥ ភាគរយខ្លាំងជាង វ៉ារ្យ៉ង់ដែលតាដើម ដែលបានគ្របដណ្តប់លើករណីកូវីដនៅជុំវិញពិភពលោកទាំងមូល។
លោក Balloux បាននិយាយថា ប្រសិនបើភស្តុតាងបឋម ត្រូវបានបញ្ជាក់ថាប្រភេទ AY.4.2 នេះ អាចជាមេរោគឆ្លង ដែលឆ្លងច្រើនបំផុត ចាប់តាំងពីការរាតត្បាតបានចាប់ផ្តើម យើងត្រូវតែប្រយ័ត្នប្រយែងក្នុងដំណាក់កាលនេះ។
ដោយឡែក អ្នកវិទ្យាសាស្ត្រដទៃទៀត នៅចក្រភពអង់គ្លេស បានភ្ជាប់ការលេចឡើងនៃប្រភេទ AY.4.2 នេះ ថាជាការឆ្លងក្នុងកំរិតខ្ពស់ ដែលបណ្ដាលឱ្យមានការសម្រាកនៅ មន្ទីរពេទ្យ និងការស្លាប់នៅចក្រភពអង់គ្លេស ពោលគឺខ្ពស់ជាងអ្វី ដែលបានកត់ត្រានៅកន្លែងផ្សេងទៀតនៅអឺរ៉ុបខាងលិច។
ប្រភព៖ FT