ប្រមុខអង្គការសហប្រជាជាតិ៖ “គម្លាតភាពជាអ្នកដឹកនាំ” ធ្វើឱ្យប៉ះពាល់ដល់កិច្ចខិតខំប្រឹងប្រែងជាសកល ដើម្បីទប់ស្កាត់ការប្រែប្រួលអាកាសធាតុ
ឡុងដ៍៖ យោងតាមរបាយការណ៍របស់អង្គការសហប្រជាជាតិបានអោយដឹងថា ការប្តេជ្ញាចិត្តនាពេលបច្ចុប្បន្នក្នុងការកាត់បន្ថយការបំភាយឧស្ម័នផ្ទះកញ្ចក់ នឹងនៅតែធ្វើឱ្យភពផែនដីមានការកើនឡើងសីតុណ្ហភាពជាមធ្យម ២.៧អង្សាសេក្នុងសតវត្សនេះ ដោយអគ្គលេខាធិការអង្គការសហប្រជាជាតិលោក អាន់តូនីញ៉ូ ហហ្គូដទែរែស បានហៅវាថា ជាការដាស់តឿនផ្គរលាន់ ចំពោះការបរាជ័យរបស់រដ្ឋាភិបាល។
រដ្ឋាភិបាលនានានឹងស្ថិតក្រោមក្រសែភ្នែកសាធារណៈក្នុងសន្និសីទស្តីពីការប្រែប្រួលអាកាសធាតុ COP26 នៅសប្តាហ៍ក្រោយ ក្នុងការបំពេញតាមកាលកំណត់នៃឆ្នាំនេះ ដើម្បីប្តេជ្ញាចិត្តចំពោះការសន្យាកាត់បន្ថយឧស្ម័នបន្ថែមទៀតនៅក្នុងអ្វីដែលអាចជាឱកាសចុងក្រោយ ក្នុងការដាក់ពិភពលោកឱ្យដើរលើមាគាររឹតត្បិតការឡើងកំដៅផែនដីឱ្យនៅខាងក្រោម ២អង្សាសេលើកម្រិតមុនឧស្សាហកម្ម និងអោយឡើងត្រឹមតែ ១.៥អង្សាសេ។ ស្របពេលដែលព្រឹត្តិការណ៍អាកាសធាតុធ្ងន់ធ្ងរ ចាប់ពីភ្លើងឆេះព្រៃរហូតដល់ទឹកជំនន់បានវាយប្រហារប្រទេសជុំវិញពិភពលោកនោះ របាយការណ៍របស់អង្គការសហប្រជាជាតិ កាលពីខែសីហាក៏បានព្រមានផងដែរថា ការឡើងកំដៅផែនដីដោយសារតែការបំភាយឧស្ម័នផ្ទះកញ្ចក់អាចឈានហួស ១.៥ អង្សាសេក្នុងរយៈពេលពីរទសវត្សរ៍ខាងមុខនេះ។
ប៉ុន្តែនាយករដ្ឋមន្ត្រីអង់គ្លេសលោក បូរីស ចនសុន បាននិយាយកាលពីថ្ងៃចន្ទថា គេមិនច្បាស់ទេថាតើការចរចាដ៏សំខាន់បំផុតរបស់អ.ស.បចាប់តាំងពីកិច្ចព្រមព្រៀងទីក្រុងប៉ារីសនៅឆ្នាំ ២០១៥ នឹងធានាបាននូវកិច្ចព្រមព្រៀងដែលត្រូវការចាំបាច់ដើម្បីដោះស្រាយការប្រែប្រួលអាកាសធាតុឬយ៉ាងណានោះទេ៕ ប្រភព៖ Reuters
