ទំព័រដើមព័ត៌មានCovid-19ក្រុមហ៊ុន Merck ចុះកិច្ចព្រមព្រៀងនឹងស្ថាប័នរបស់អង្គការសហប្រជាជាតិ ដើម្បីផ្តល់អាជ្ញាប័ណ្ណឥតថ្លៃក្នុងក...

ក្រុមហ៊ុន Merck ចុះកិច្ចព្រមព្រៀងនឹងស្ថាប័នរបស់អង្គការសហប្រជាជាតិ ដើម្បីផ្តល់អាជ្ញាប័ណ្ណឥតថ្លៃក្នុងការផលិតថ្នាំគ្រាប់ព្យាបាល Covid-19 ដល់១០៥ប្រទេស

វ៉ាស៊ីនតោន៖ ក្រុម​ហ៊ុន​ឱសថ Merck & Co ​បាន​ចុះ​កិច្ច​ព្រម​ព្រៀង​អាជ្ញាប័ណ្ណ​ជា​មួយអង្គការ​សុខភាព​សាធារណៈ​ Medicines Patent Pool (MPP) ដែល​គាំទ្រ​ដោយ​អង្គការ​សហ​ប្រជា​ជាតិ​​ ​ដើម្បី​អនុញ្ញាត​ឲ្យ​ក្រុម​ហ៊ុន​ផ្សេង​ៗ​​អាច​ផលិត​ថ្នាំ​គ្រាប់​​ព្យាបាលកូវីដ-១៩​​កាន់​តែ​ទូលំទូលាយ។ ​

​ក្រុម​ហ៊ុន Merck និង​អង្គការ MPP បានចេញសេចក្តីថ្លែងការណ៍រួមថា នេះ​ជា​អាជ្ញាប័ណ្ណ​តម្លាភាព ការ​ស្ម័គ្រ​ចិត្ត​​ជំរុញ​សុខភាព​សាធារណៈ​​លើក​ដំបូង​ សម្រាប់​​បច្ចេក​វិទ្យា​វេជ្ជសាស្ត្រ​កូវីដ១៩។ ក្រុម​ហ៊ុន​នានាអាច​នឹង​​អនុវត្ត​​​អាជ្ញាប័ណ្ណ​រង​ពី​​​ MPP និង​អាជ្ញាប័ណ្ណ​ដែល​រាប់​បញ្ចូល​ទាំង​ការ​ផ្ទេរ​បច្ចេកវិទ្យា​​​នៅ​តែ​ជា​អាជ្ញាប័ណ្ណ​ឥត​គិត​ថ្លៃ​ ដរាប​ណា​អង្គការ​សុខភាព​ពិភព​លោក (WHO) ​នៅ​តែ​ចាត់ចំណាត់​ថ្នាក់​ជំងឺ​ឆ្លង​កូវីដ១៩​ជាគ្រាអាសន្ន​សុខភាព​សាធារណៈនៃកង្វល់អន្តរជាតិ។ បន្ថែមលើនេះ ក្រុម​ហ៊ុនឱសថ Merck បានបញ្ជាក់ថា អាជ្ញាប័ណ្ណ​ឥត​ថ្លៃ​នឹង​​អនុវត្ត​​ដល់​ប្រទេស​​​​​ចំណូល​ទាប និង​មធ្យម​​ចំនួន​១០៥​ប្រទេស។ វា​អនុញ្ញាត​ឲ្យ​អ្នក​ផលិត​ដែល​ត្រូវ​បាន​ជ្រើស​រើស​ដោយ​អង្គការ MPP ​ដើម្បី​ផលិត​ឱសថ​ Molnupiravir ជា​ថ្នាំ​គ្រាប់​ព្យាបាល​ជំងឺ​កូវីដ១៩ ​ដែល​សហ​ការ​​ផលិត​​ជា​មួយ​ក្រុម​ហ៊ុន Ridgeback Biotherapeutics។

ទន្ទឹមនេះ រដ្ឋបាល​ចំណី​អាហារ និង​ឱសថអាមេរិក (FDA) ក៏បាននិង​​កំពុង​ពិចារណា​អោយ​អនុញ្ញាត​ប្រើ​ប្រាស់​បន្ទាន់​សម្រាប់​ថ្នាំ​គ្រាប់​ Molnupiravir ដែល​បាន​បង្ហាញ​ក្នុង​ការ​សាក​ល្ប​ គឺ​មាន​ប្រសិទ្ធភាព​​​កាត់​បន្ថយ​ហានិភ័យ​​មិន​អោយ​ឈឺ​ធ្ងន់ និង​ស្លាប់​​បាន​ពាក់​កណ្តាល​ដោយសារជំងឺ​កូវីដ១៩៕ ប្រភព៖ CNA

- Advertisement -spot_img
spot_img
ឈឹម​ ទីណា​
លោក​ ​ឈឹម​ ​ទីណា​ (C​h​him​ ​T​y​n​a​) ​ជា​អ្នកនិពន្ធ​ព័ត៌មាន​ជាតិ​ទូទៅ​ ​សេដ្ឋកិច្ច​ ​និង​អន្តរជាតិ​ ។ លោកបាន​ប្រឡូក​នៅ​តាម​ស្ថាប័ន​ធំ​ៗជា​ច្រើន ​ទាំង​ទូរទស្សន៍​ ​គេហទំព័រ​ ​និង​បណ្តាញ​សង្គម។​ ​លោកជា​អ្នក​យក​ព័ត៌មាន​ជាតិ​ទូទៅ​ ​សេដ្ឋកិច្ច​ ​និង​អន្តរជាតិ​ ជា​អ្នក​សរសេរ​អត្ថបទ​ ​ថត​ ​កាត់ត​ ​បញ្ចូល​ស​ម្លេ​ង​ ​អ្នកប្រែ​សម្រួល​ ​និង​អត្ថាធិប្បាយ​ ​។​ ​លោក​​​មាន​ទំនាក់ទំនង​ស្អិត​រ​មួត​ជាមួយ​អង្គភាព​ ​និង​ក្រុមហ៊ុន​តូច​-​ធំ​ជាច្រើន​នៅ​កម្ពុជា​ ​ដែល​គុណសម្បត្តិ​ទាំងអស់​នេះ​ ​នឹង​ផ្ដល់​ជូន​ទស្សនិកជន​នូវ​ព័ត៌មាន​ដ៏​សម្បូរ​បែប​ប្រកបដោយ​ទំនុក​ចិត្ត​ ​និង​វិជ្ជាជីវៈ​ ​៕

ព័ត៌មានជាប់ទាក់ទង

- Advertisement -spot_img

អត្ថបទវិភាគ

ព័ត៌មានថ្មី

- Advertisement -spot_imgspot_img

ព័ត៌មានពេញនិយម