ទូតអាមេរិករំពឹងថា កិច្ចសហប្រតិបត្តិកាតរវាងសហរដ្ឋអាមេរិក និងកម្ពុជានឹងមានការអភិវឌ្ឍបន្ថែមទៀត
ភ្នំពេញៈ លោកប៉ាទ្រីក មូហ្វី (Patrick Murphy) ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជារំពឹងថា កិច្ចសហប្រតិបត្តិកាតរវាងសហរដ្ឋអាមេរិក និងកម្ពុជានិងមានការអភិវឌ្ឍបន្ថែមទៀត ហើយសហរដ្ឋអាមេរិកគឺជាដៃគូរអនុវត្តសំខាន់របស់កម្ពុជាទាំងក្នុងវិស័យសុខភាពសាធារណ និងវិស័យអភិវឌ្ឍផ្សេងៗទៀត។ ការលើកឡើងនេះបានធ្វើឡើងនៅក្នុងជំនួបពិភាក្សាការងារជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី២៨ ខែតុលា ឆ្នាំ២០២១ ។
ក្នុងជំនួបនេះសម្តេចអគ្គមហាពញាចក្រី ហេង សំរិន បានសម្តែងការកោតសរសើរឯកអគ្គរដ្ឋទូត ដែលបានខិតខំប្រឹងប្រែងនៅក្នុងការបំពេញបេសកកម្មការទូតនៅកម្ពុជាក្នុងរយៈពេលពីរឆ្នាំមកនេះ ធ្វើឲ្យកិច្ចសហប្រតិបត្តិការជាច្រើនវិស័យ រវាងប្រទេសទាំងពីរ បានជំរុញនិងលើកកម្ពស់ មានការវិវឌ្ឍរីកចម្រើនជាបន្តបន្ទាប់។
សម្តេចចក្រីជឿជាក់ថា ទំនាក់ទំនង ប្រជាជនទាំងពីរប្រទេស ក៏ដូចជាកិច្ចសហប្រតិបត្តិការរវាងកម្ពុជានិងអាមេរិក ដែលមានជាង៧០ឆ្នាំមកនេះ នឹងកាន់តែរីកលូតលាស់ ប្រកបដោយផ្លែផ្កាថែមទៀត។
ចំណែកលោក Patrick Murphy បានជម្រាបសម្តេចចក្រីថា កិច្ចសហប្រតិបត្តិការរវាងប្រទេសទាំងពីរ គឺមានសារសំខាន់ នៅក្នុងនោះក៏មានទំនាក់ទំនងរវាងសហរដ្ឋអាមេរិជាមួយកម្ពុជា ក៏ដូចជាបណ្តាប្រទេសអាស៊ាន។ ហើយកិច្ចប្រជុំកំពូលដែលបានប្រពញរឹត្តទីថ្មីៗនេះ រវាងអាស៊ាន និងសហរដ្ឋអាមេរិក ក៏បានផ្តោតសំខាន់ទៅលើកិច្ចសហប្រតិបត្តិការរវាតតំបន់ទាំងពីរ។ ហើយនៅឆ្នាំក្រោយនេះ កម្ពុជានឹងធ្វើជាប្រធានអាស៊ាន ដោយឡែកស្ថាប័ននីតិប្បញ្ញត្តិ កម្ពុជាក៏មានកិច្ចប្រជុំអន្តរសភាអាយប៉ានៅកម្ពុជាផងដែរ។ ហើយតួនាទីរបស់កម្ពុជានៅឆ្នាំបន្តទៅនេះ គឺមានសារសំខាន់។
លោកឯកអគ្គរដ្ឋទូតសហរដ្ឋអាមេរិកបានរំពឹងថា កិច្ចសហប្រតិបត្តិកាតរវាងសហរដ្ឋអាមេរិក និងកម្ពុជានិងមានការអភិវឌ្ឍបន្ថែមទៀត ហើយសហរដ្ឋអាមេរិកគឺជាដៃគូរអនុវត្តសំខាន់របស់កម្ពុជាទាំងក្នុងវិស័យសុខភាពសាធារណ និងវិស័យអភិវឌ្ឍផ្សេងៗទៀត។
លោកទូតក៏បានអបអរសាទរដល់រាជរដ្ឋាភិបាលកម្ពុជា បានខិតខំចាក់វ៉ាក់សាំងប្រឆាំងកូវីដ-១៩ ជូនពលរដ្ឋបានក្នុងកម្រិតខ្ពស់និងឈានដល់ការបើកដំណើរការសកម្មភាពសង្គមនិងសេដ្ឋកិច្ចជាបណ្តើរៗឡើងវិញ។
លោកទូតបានបញ្ជាក់ថា សហរដ្ឋអាមេរិក ជាប្រទេសមួយដែលចូលរួមយ៉ាងសកម្មនៅក្នុងវិស័យសុខាភិបាលនៅកម្ពុជា ពិសេសនៅកំឡុងពេលនៃការរាតត្បាតជំងឺកូវីដ១៩នេះ អាមេរិកបានផ្តល់វ៉ាក់សាំងJohnson & Johnson ជូនកម្ពុជាប្រមាណជាង១លានដូស តាមយន្តការអង្គការសុខភាពពិភពលោក។
សម្តេចចក្រី ហេង សំរិន បានថ្លែងអរគុណយ៉ាងជ្រាលជ្រៅចំពោះសហរដ្ឋអាមេរិក ដែលបានផ្តល់ជំនួយអភិវឌ្ឍន៍ដល់កម្ពុជា មានជាអាទិ៍លើ វិស័យសុខាភិបាល អប់រំ បរិស្ថាន វប្បធម៌ កសិកម្ម និងការបោសសំអាតមីនជាដើមនោះ ពិសេស វ៉ាក់សាំងប្រឆាំងកូវីដ-១៩។
ជាចុងបញ្ចប់ សម្តេចបានលើកទឹកចិត្តដល់សហរដ្ឋអាមេរិក បន្តផ្តល់អាហារូបករណ៍ និងឱកាសបណ្តុះបណ្តាលដល់និស្សិត និងអ្នកដឹកនាំវ័យក្មេងកម្ពុជា ដោយកម្ពុជាផ្តល់អាទិភាព ដល់សេដ្ឋកិច្ច ផ្អែកលើចំណេះដឹង៕ ដោយៈពលជ័យ