Positive Cambodia Ep24: កម្ពុជាត្រៀមបើកប្រទេសក្នុងបរិបទកូវីដ-១៩ ពេលវិស័យកសិកម្ម ឧស្សាហកម្ម សេវាកម្មបើកដំណើរល្អ
អ្នកសម្របសម្រួលៈ ពិធីការិនីៈ កញ្ញា ធីតា
វាគ្មិន លោក ឃុន ប៊ុននី
សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ការឈានដល់បើកដំណើរការប្រទេសក្នុងសម័យកូវីដ១៩នេះ គឺត្រូវចេះរៀនរស់នៅជាមួយកូវីដ ហើយនៅពេលវិស័យកសិកម្ម ឧស្សាហកម្ម និងសេវាកម្មបើកដំណើរការល្អ ។
សម្តេចបន្តថា «យើងចាប់ផ្តើមបើកផ្នែកសេវាកម្មបន្តទៀត ដើម្បីឈានដល់បើកដំណើរការប្រទេសឡើងវិញលើគ្រប់វិស័យ។ សាលារៀនត្រូវតែបើកឡើងវិញ ដើម្បីឲ្យកូនចៅបានចូលរៀននេះជាវិធីដ៏ល្អដើម្បីឲ្យយើងរៀនរស់ជាមួយកូវីដ ពីព្រោះទោះបិទក៏មានការឆ្លង ហើយការបើកក៏នៅតែមានការឆ្លងជំងឺកូវីដ ប៉ុន្តែយើងបានចាក់វ៉ាក់សាំង២ដូស ហើយបានបន្ថែមដូសទី៣ ដែលកំពុងមានក្នុងដៃជាង១០លានដូស ដើម្បីបម្រើប្រជាពលរដ្ឋមិនទាន់បានចាក់ ។ ឥឡូវនេះដូសទី៣ បានចាក់ជាង១លាននាក់រួចហើយនៅក្នុងក្របខណ្ឌទូទាំងប្រទេស ចំណែកនៅភ្នំពេញជាងកន្លះលាននាក់ហើយ» ។
ជាមួយគ្នានោះដែរ សម្តេចក៏បានលើកឡើងថា អ្វីដែលសម្តេចបានលើកឡើងថា សូមឲ្យការខិតខំធ្វើ ពិសេសនោះជៀសវាងការនាំអ្នកជំងឺកូវីដ១៩ ដែលមិនមែនការចាំបាច់ ដើម្បីទៅព្យាបាលនៅមន្ទីរពេទ្យភ្នំពេញនោះទេ ដោយត្រូវព្យាបាលអ្នកជំងឺនៅមន្ទីរពេទ្យថ្នាក់ខេត្តជៀសវាងធ្វើឲ្យអ្នកជំងឺកាន់ធ្ងន់ធ្ងរ។ ករណីនេះទៀតសោធ គឺមិនប្រើវិធីសាស្ត្រឃើញមួយចាប់មនុស្សមួយភូមិយកសំណាកនោះទេ គឺអ្នកមានរោគសញ្ញាត្រូវមានទទួលខុសត្រូវ ខ្លូនឯងទៅមន្ទីរពេទ្យ។ សម្តេចក៏អំពាវនាវដល់ប្រជាពលរដ្ឋណាដែលមិនទាន់បានវ៉ាក់សាំងដូសទី១ និងដូសទី២ សូមអញ្ជើញទៅចាក់ឲ្យបានគ្រប់គ្នា ហើយសូមកុំឲ្យមានការរើសអើងចំពោះអ្នកដែលបានឆ្លងជំងឺកូវីដ១៩។ ប៉ុន្តែត្រូវចាក់ទុកអ្នកឆ្លងជំងឺកូវីដដែលបាន ព្យាបាលជាសះស្បើយនោះ ជាកំលាំងនៃការការពារអ្នកដែលបានកើតកូវីដ នៅពេលក្រោយ ដោយសារពួកគេមានអង្គបក្ខដិបក្ខប្រឆាំងនឹងជំងឺកូវីដកូវីដ១៩ ។
សំនួរពិភាក្សា
១/ ជាបឋមមុននឹងនាងខ្ញុំបានចូលទៅកាន់ខ្លឹមសារនៃប្រធានរឿងរបស់យើង នាងខ្ញុំសូមអនុញ្ញាតលើកឡើងនូវប្រសាសន៍របស់សម្តេចតេជោ នាយករដ្ឋមន្ត្រីនៃកម្ពុជា។ (សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ការឈានដល់បើកដំណើរការប្រទេសក្នុងសម័យកូវីដ១៩នេះ គឺត្រូវចេះរៀនរស់នៅជាមួយកូវីដ ហើយនៅពេលវិស័យកសិកម្ម ឧស្សាហកម្ម និងសេវាកម្មបើកដំណើរការល្អ) តើលោកមានការយល់ឃើញយ៉ាងណាដែរនូវដំណឹងដ៏ល្អមួយនេះ?
២/ ដំណើរឈានដល់បើកប្រទេសសម័យកូវីដ ពេលវិស័យកសិកម្ម ឧស្សាហកម្ម សេវាកម្មបើកដំណើរល្អ នាងខ្ញុំចង់ជំរាបសួរលោកបន្តិចថា តើវិស័យកសិកម្ម ឧស្សាហកម្ម បានជួយទ្រទ្រង់ដល់សេដ្ឋកិច្ចយ៉ាងណា?
៣/ សម្តេចតេជោ ហ៊ុន សែន នាយករដ្ឋមន្ត្រីក៏បានបញ្ជាក់ពីការឆ្លងជំងឺកូវីដ១៩ នៅបច្ចុប្បន្ននេះថា ដោយសារការបញ្ឈប់ឲ្យធ្វើតេស្តរហ័ស គឺនៅពេលមុនការរកឃើញអ្នកឆ្លងកូវីដ១៩ នៅភូមិណាត្រូវធ្វើការបិទភូមិនោះដើម្បីធ្វើតេស្ត ប៉ុន្តែ ឥឡូវនេះមិនធ្វើដូច្នេះទេ តែយើងដាក់ទីតាំងយកសំណាកដោយបុគ្គលម្នាក់ៗ ដែលមានការសង្ស័យត្រូវទៅយកសំណាកដែលរៀបចំដោយក្រសួងសុខាភិបាលនៅគ្រប់កន្លែង។ ដូច្នេះចរន្តនៃរបររកស៊ីផ្សេងៗ សំរាប់អ្នកដែលប៉ះពាល់ប្រយោល គឺពិតណាស់មិនប៉ះពាល់នោះទេ តើលោកមើលឃើញយ៉ាងណាដែរ?
៤/ សម្តេចបន្តថា «យើងចាប់ផ្តើមបើកផ្នែកសេវាកម្មបន្តទៀត ដើម្បីឈានដល់បើកដំណើរការប្រទេសឡើងវិញលើគ្រប់វិស័យ។ សាលារៀនត្រូវតែបើកឡើងវិញ ដើម្បីឲ្យកូនចៅបានចូលរៀននេះជាវិធីដ៏ល្អដើម្បីឲ្យយើងរៀនរស់ជាមួយកូវីដ។ ជាកាពិតណាស់យើងឃើញថាចំនួននៃអ្នកចាក់វ៉ាក់សាំងបាន ៨០% លើចំនួនប្រជាជនទូទាំងប្រទេស វាពិតជាកត្តាជំរុញអោយកម្ពុជា ឈានទៅរកគោលដៅបើកប្រទេស អនុវត្តវិធានការសុខាភិបាល ៣ការពារ ៣កុំ រៀនរស់ជាមួយ Covid-19 ទៅតាមគន្លងប្រក្រតីភាពថ្មី ។ តើលោកមើលឃើញយ៉ាងណាដែរ ពីការវាយតំលៃ និងចក្ខុវិស័យរបស់រាជរដ្ឋាភិបាល ក្នុងការស្ទាបស្ទង់ដំណើរវិវត្តន៍មួយនេះ? សំរាប់ទស្សនះលោកផ្ទាល់ ?