Black & White Ep 35: សេរីភាពនៃការទទួលបានព័ត៌មាន និងការប្រើប្រាស់ព័ត៍មានក្នុងផ្លូវត្រឹមត្រូវ
សេរីភាពទទួលព័ត៌មាន គឺជាសេរីភាពមួយដែលមិនអាចខ្វះបានសម្រាប់ប្រជាជន និងការអភិវឌ្ឍ ព្រោះព័ត៌មានគឺមានសារៈសំខាន់បំផុតចំពោះជាតិជាបច្ច័យនាំទៅរកសន្ដិភាព និងការអភិវឌ្ឍន។ សារព័ត៌មានបានឆ្លុះបញ្ចាំងអំពីទិដ្ឋភាពសង្គម និងបានរួមចំណែកក្នុងការបង្ហាញឧត្ដមភាពជាតិ ទាំងក្នុងនិងក្រៅប្រទេស។ ដូច្នេះ ការទទួលបានព័ត៌មានគ្រប់ជ្រុងជ្រោយ គឺជាសេរីភាពមួយមិនអាចខ្វះបាន ពិសេសសង្គមប្រជាធិបតេយ្យ។ នៅកម្ពុជាប្រជាជននៅមានកំរិតការយល់ដឹងក្នុងការសម្រេចជ្រើសរើសប្រភេទនៃព័ត៌មាន ដែលពួកគាត់សាកសមទទួលយកដើម្បីទៅប្រើប្រាស់ជាប្រយោជន៍ផ្លាល់ខ្លួន ហើយពួកគេខ្លះកាន់តែមានកំរិតក្នុងការផលិត និងសម្រេចស្តាប់និងទទួលយកព័ត៌មាន ដែលមានលក្ខណះជាតិនិយម ហើយប្រើប្រាស់មានប្រយោជន៍សម្រាប់ប្រជាជាតិខ្មែរ។ ការទទួលយកនូវព័ត៌មានប្រឌិតនិងខ្មៅកង្វក់មកដាក់ក្នុងចិត្ត ធ្វើឲ្យសង្គមមានភាពភ័នច្រលំ និងខាតបង់ពិសេសលើយុវជនជាសរសរទ្រូងជាតិ។
សំណួរពិភាក្សា៖
១/ តើលោកវាគ្មិនមើលឃើញបែបណា ចំពោះសេរីភាព នៃការទទួលបានព័ត៌មាន នៅកម្ពុជា?
២/ តើប្រជាជនកម្ពុជាក្នុងបច្ចុប្បន្ន បានប្រើប្រាស់សិទ្ធិក្នុងការទទួលបានព័ត៌មានបែបណាខ្លះ ហើយតើពួកគេមានលទ្ធភាពគ្រប់គ្រាន់ទេក្នុងការវិនិច្ឆ័យលើព័ត៍មានមានប្រយោជន៍ និងគ្មានប្រយោជន៍?
៣/ តើព័ត៌មានក្លែងក្លាយ បាននាំនូវផលអវិជ្ជមានបែបណា សម្រាប់សង្គមជាតិ? ហេតុអ្វីមានអ្នកផលិតព័ត៍មានបែបនេះនៅតែបន្តធ្វើរហូតមក? តើក្នុងគោលបំណងអ្វី?
៤/ តើអ្វីទៅជាព័ត៍មានត្រឹមត្រូវ? តើការទទួលបានព័ត៌មានគ្រប់ជ្រុងជ្រោយ និងសុក្រិតភាព បាននាំមកនូវផលប្រយោជន៍អ្វីខ្លះចំពោះជាតិ? តើហេតុអ្វីព័ត៍មានទាំងនេះ មិនស៊ូវមានការចាប់អារម្មណ៍ពីសាធារណៈជនទៅវិញ?
៥/ ក្នុងបច្ចុប្បន្នភាព កម្ពុជាមានបណ្ដាញសង្គមច្រើនដែលបានផ្សព្វផ្សាយព័ត៌មាន។ ដូច្នេះ ពាក្យចចាមអារ៉ាមឬព័ត៌មានដែលគ្មានមូលដ្ឋាន ក៏មានច្រើនដែរ តើប្រជាជនគប្បីជ្រើសរើសការស្វ័យសម្រេចចិត្ដបែបណាចំពោះការព័ត៌មានទាំងនោះ?
