តម្លៃសំបុត្រធ្វើដំណើរហោះហើរក្នុងសម័យរៀនរស់ជាមួយនឹងកូវីដ១៩ ត្រូវគេរាយការណ៍ថាបានស្ថិតក្នុងតម្លៃ ខ្ពស់គួរឲ្យកត់សម្គាល់។ រដ្ឋលេខាធិការដ្ឋានអាកាសចរស៊ីវិលលោកស៊ីន ចាន់សិរីវុត្ថា ត្រូវបានគេដកស្រង់ពាក្យ សម្តីដែលបញ្ជាក់ថា គ្រាន់តែសំបុត្រយន្តហោះពីប្រទេសកម្ពុជាឆ្ពោះទៅកាន់ប្រទេសចិន បានឡើងថ្លៃខ្ពស់ តម្លៃ ចន្លោះរវាងពី៧ពាន់ដុល្លារទៅមួយម៉ឺន២ពាន់ដុល្លារក្នុងមួយជើង។

សេចក្តីរាយការណ៍បានបញ្ជាក់ដែរថា ក្រៅពី សំបុត្រយន្តហោះទៅមករវាងចិន-កម្ពុជាឡើងថ្លៃនោះ ក៏តម្លៃជើងហោះហើរក្នុងប្រទេសនៅអាស៊ាននេះ ក៏បាន ឡើងថ្លៃផងដែរ ដូចជាការធ្វើដំណើរទៅមកពីកម្ពុជាទៅក្រុងបាងកកនៃប្រទេសថៃបានកើនឡើងជាង៥ទៅ៦ដង ថែមទៀត គឺជាង១០០ទៅជាង៦០០ដុល្លារ៕