រាជធានីភ្នំពេញ៖ ឆ្មាដាវមានឈ្មោះជាភាសាអង់គ្លេសហៅថា Leopard Cat មានសម្បុរលឿង-ត្នោត លាយរោមអុចៗពណ៌ខ្មៅ ហើយវារស់នៅស្ទើរគ្រប់ប្រភេទព្រៃ និងព្រៃឈើដាំ។ យោងតាមបណ្តាញសង្គមហ្វេសប៊ុករបស់ ឯកឧត្តម សាយសំអាល់ រដ្ឋមន្រ្តីក្រសួងបរិស្ថានដែលបានចែករំលែកព័ត៌មានទាក់ទងទៅនឹងប្រភេទសត្វឆ្មាដាវនេះបានឱ្យដឹងថា ឆ្មាដាវវាជាសត្វដែលមិនកាចសាហាវចំពោះមនុស្ស និងពូកែហែលទឹកណាស់។ គេសង្កេតឃើញថាឆ្មាដាវមានវត្តមាននៅភាគឦសាន និងនិរតីនៃប្រទេសកម្ពុជា។ ឆ្មាដាវស្ថិតក្នុងក្រុមប្រភេទសត្វមានដោយបង្គួរ និងចុះក្នុងបញ្ជីក្រហម IUCN (LC) ជាប្រភេទរងគ្រោះថ្នាក់តិចតួច៕ដោយ៖ម៉ាដេប៉ូ