Positive Cambodia Ep27: សេចក្តីវាយតម្លៃរបស់សម្តេចតេជោ រយះពេលដ៏ខ្លីខាងមុខ អាស៊ាននឹងអាចគ្រប់គ្រងជំងឺកូវិដដ៏មានប្រសិទ្ធភាព
អត្ថបទយោង និងខ្លឹមសារសង្ខេប
សម្តេចតេជោ ហ៊ុន សែន នាយករដ្ឋមន្ត្រី ថ្លែងថា ការអូសបន្លាយការរាតត្បាតជំងឺកូវីដ-១៩ ក្នុងរយៈពេលជិត ២ ឆ្នាំកន្លងមកនេះបានក្លាយជាវិញ្ញាសាសាកល្បងនូវសមត្ថភាពនៃការដឹកនាំ និងអភិវឌ្ឍន៍ប្រទេសសមាជិកអាស៊ាននីមួយៗហើយក្នុងពេលដ៏ខ្លីខាងមុខ អាស៊ាននឹងអាចគ្រប់គ្រងជំងឺនេះមានប្រសិទ្ធភាព។ លោកថ្លែងដូច្នេះ ក្នុងពេលលោកចូលរួមកិច្ចប្រជុំកំពូលអាស៊ានលើកទី៣៨ និង៣៩ តាមប្រព័ន្ធវីដេអូអនឡាញកាលពីថ្ងៃទី២៦ ក្រោមប្រធានបទ «យើងយកចិត្តទុកដាក់ យើងរៀបចំត្រៀមលក្ខណៈ យើងរីកចម្រើនទៅមុខ» ដែលប្រទេសប្រ៊ុយណេធ្វើជាម្ចាស់ផ្ទះ។
សម្តេចតេជោ ហ៊ុន សែន ថ្លែងថា មកដល់ពេលនេះយើងអាចវាយតម្លៃបានថា អាស៊ាននឹងឈានទៅរកការគ្រប់គ្រងការរីករាលដាលនៃជំងឺនោះបាន ប្រកបដោយប្រសិទ្ធភាពនាពេលដ៏ខ្លីខាងមុខ»។ សម្តេចតេជោ ហ៊ុន សែន បន្តថា ជាទិសដៅទៅមុខ ការងារសំខាន់បន្ត និងបន្ទាប់គឺការស្តារ និងការអភិវឌ្ឍវិស័យសង្គម សេដ្ឋកិច្ចឡើងវិញ តាមរយ:ការធានាប្រក្រតីភាពនៃលំហូរពាណិជ្ជកម្ម ការធ្វើដំណើរ និងការធ្វើសេរីភាវូបនីយកម្មពាណិជ្ជកម្ម សេវាកម្ម និងការវិនិយោគ។
សម្តេចតេជោ ហ៊ុន សែន នាយករដ្ឋមន្ត្រីថ្លែងថា នៅក្នុងការប្រយុទ្ធនឹងជំងឺកូវីដ ១៩ រាជរដ្ឋាភិបាលកម្ពុជាបានកំណត់យកការចាក់វ៉ាក់សាំង ជាវិធានការយុទ្ធសាស្ត្រគន្លឹះគួបផ្សំនឹងវិធានការផ្សេងទៀត។ គិតត្រឹមថ្ងៃទី ៣១ ខែតុលា កម្ពុជាសម្រេចបាននូវការចាក់វ៉ាក់សាំងដល់ប្រជាពលរដ្ឋ ១៦លាន ៨៨នាក់ ស្មើនឹងប្រមាណ ១០០ភាគរយ នៃចំនួនប្រជាជនសរុប ១០លាននាក់ ដែលត្រូវចាក់វ៉ាក់សាំង។
សម្តេចតេជោ ហ៊ុន សែន ថ្លែងថា៖ «ជាការវាយតម្លៃជំងឺកូវីដនៅកម្ពុជាស្ថិតនៅក្នុងស្ថានភាពគ្រប់គ្រងបានល្អ។ ឈរលើមូលដ្ឋាននេះ រាជរដ្ឋាភិបាលបាននិងកំពុងជំរុញការបើកដំណើរការសកម្មភាពសង្គម សេដ្ឋកិច្ចឡើងវិញជាបណ្តើរៗ តាមគន្លងប្រក្រតីភាពថ្មី ហើយគ្រោងនឹងដាក់ចេញយុទ្ធសាស្ត្រស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ១៩ នៅចុងឆ្នាំ ២០២១។
មេដឹកនាំអាស៊ានបានប្តេជាពង្រឹងកិច្ចសហប្រតិបត្តិការឆ្ពោះទៅរកការកែលម្អនៃប្រព័ន្ធសុខភាពសាធារណ:សកល និងឆ្ពោះទៅរកការធានាបាននូវការទទួលបានថ្នាំប្រកបដោយសមធម៌ សម្រាប់ការព្យាបាល ជំងឺកូវីដ-១៩ ដោយធ្វើឱ្យវ៉ាក់សាំងកូវីដ-១៩ ជាទំនិញសាធារណ:សកល អាចរកបាន និងមានតម្លៃសមរម្យសម្រាប់មនុស្សទូទៅ។កិច្ចប្រជុំកំពូលអាស៊ានលើកទី៣៨ និង ៣៩ និងកិច្ចប្រជុំកំពូលពាក់ព័ន្ធប្រព្រឹត្តទៅចាប់ពីថ្ងៃទី២៦ ដល់ថ្ងៃទី២៨ ខែតុលា តាមប្រព័ន្ធវីដេអូ។ នៅថ្ងៃទី២៨ ខែតុលា សម្តេចតេជោ ហ៊ុន សែន នឹងធ្វើបទអន្តរាគមន៍ផងដែរនៅក្នុងពិធីបិទក្រោយពីប្រ៊ុយណេប្រគល់តំណែងប្រធានអាស៊ានឆ្នាំ ២០២២ ជូនកម្ពុជា។
សំនួរពិភាក្សា
១/ ជាបឋមមុននិងនាងខ្ញុំបានចូលទៅកាន់ប្រធានបទ សូមអោយលោកបានរៀបរាប់បន្តិចស្តីអំពីអាស៊ាន ក្នុងបរិបទកូវិដនេះ ? (ការជួយគ្នាក្នុងគ្រាលំបាក)
២/ ក្នុងកិច្ចប្រជុំកំពូលអាស៊ានលើកទី៣៨ និង ៣៩ តាមប្រព័ន្ធវីដេអូអនឡាញក្រោមប្រធានបទ «យើងយកចិត្តទុកដាក់ យើងរៀបចំត្រៀមលក្ខណៈ យើងរីកចម្រើនទៅមុខ» ដែលប្រទេសប្រ៊ុយណេធ្វើជាម្ចាស់ផ្ទះ។ សម្តេចតេជោ ហ៊ុន សែន ថ្លែងថា៖ «ការអូសបន្លាយនៃការឆ្លងរាលដាលនៃជំងឺកូវីដ-១៩ អស់រយ:ពេលជិត ២ ឆ្នាំកន្លងមក បានក្លាយជាវិញ្ញាសារសាកល្បងសមត្ថភាពដ៏ធំមួយក្នុងការដឹកនាំ និងអភិវឌ្ឍទាំងសម្រាប់អាស៊ានទាំងមូល និងទាំងសម្រាប់ប្រទេសជាសមាជិកនីមួយៗ។ តើយល់យ៉ាងណាពីសមត្ថភាពក្នុងការដឹកនាំ និងអភិវឌ្ឍរបស់សម្តេច?
៣/ មកដល់ពេលនេះយើងអាចវាយតម្លៃបានថា អាស៊ាននឹងឈានទៅរកការគ្រប់គ្រងការរីករាលដាលនៃជំងឺនោះបាន ប្រកបដោយប្រសិទ្ធភាពនាពេលដ៏ខ្លីខាងមុខ» សម្រាប់លោកផ្ទាល់ តើលោកមានគំនិតសុដ្ឋិនិយមយ៉ាងណាដែរចំពោះខ្លឹមសារខាងលើនេះចា ?
៤/ សម្តេចតេជោ ហ៊ុន សែន បន្តថា ជាទិសដៅទៅមុខ ការងារសំខាន់បន្ត និងបន្ទាប់គឺការស្តារ និងការអភិវឌ្ឍវិស័យសង្គម សេដ្ឋកិច្ចឡើងវិញ តាមរយ:ការធានាប្រក្រតីភាពនៃលំហូរពាណិជ្ជកម្ម ការធ្វើដំណើរ និងការធ្វើសេរីភាវូបនីយកម្មពាណិជ្ជកម្ម សេវាកម្ម និងការវិនិយោគ។ នាងខ្ញុំចង់ជំរាបសួរលោក ថាតើលោកមើលឃើញយ៉ាងណាដែរចំពោះចក្ខុវិស័យក្នុង របស់រាជរដ្ឋាភិបាល ក្នុងជំនួបប្រជុំអាស៊ាននេះចា ពិសេសក្នុងកិច្ចពិភាក្សាទៅលើការកសាងសហគមន៍អាស៊ាន ជាមួយការរឆ្លើយតបនឹងជំងឺកូវីដ ១៩ ទំនាក់ទំនងខាងក្រៅ និងមជ្ឈភាពអាស៊ាន និងការផ្លាស់ប្តូរទស្សនៈស្តីពីបញ្ហាតំបន់ និងអន្តរជាតិ?
៥/ សម្តេចតេជោ បានប្រាប់ទៅកាន់អាស៊ាននិងពិភពលោកថា នៅក្នុងការប្រយុទ្ធនឹងជំងឺកូវីដ ១៩ រាជរដ្ឋាភិបាលកម្ពុជាបានកំណត់យកការចាក់វ៉ាក់សាំង ជាវិធានការយុទ្ធសាស្ត្រគន្លឹះគួបផ្សំនឹងវិធានការផ្សេងទៀត។ ជួសមុខអោយប្រជាជនខ្មែរទាំងអស់តើលោកយល់យ៉ាងណាចំពោះ វិធីសាស្ត្រដាក់ចេញរបស់រាជរដ្ឋាភិបាលកម្ពុជាក្នុងការកំណត់យកការចាក់វ៉ាក់សាំងដើម្បីដោះស្រាយបញ្ហាចំពោះមុខនេះចាស?សំនួរបិទបិទកម្មវិធី : ងាកមកប្រសាសន៍របស់សម្តេច ម្តងទៀតគឺថា សម្តេចតេជោ ហ៊ុន សែន ថ្លែងថា៖ «ជាការវាយតម្លៃជំងឺកូវីដនៅកម្ពុជាស្ថិតនៅក្នុងស្ថានភាពគ្រប់គ្រងបានល្អ។ ឈរលើមូលដ្ឋាននេះ រាជរដ្ឋាភិបាលបាននិងកំពុងជំរុញការបើកដំណើរការសកម្មភាពសង្គម សេដ្ឋកិច្ចឡើងវិញជាបណ្តើរៗ តាមគន្លងប្រក្រតីភាពថ្មី ហើយក៏គ្រោងនឹងដាក់ចេញយុទ្ធសាស្ត្រស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ១៩ តាមគន្លងប្រក្រតីភាពថ្មីនៅចុងឆ្នាំ២០២១ »។ ដោយចាប់ផ្តើមពីការ បើកអោយតំណើតការទេសចរណ៍វ៉ាក់សាំងជាជំហានតំបូង ។ តើលោកមានការយល់យ៉ាងណាដែរចា ?
