ថៃមិនទាន់ឲ្យបើក ខារ៉ាអូខេ ទេ
ទីតាំងកម្សាន្តនាពេលរាត្រីនៅទូទាំងប្រទេសថៃនៅតែបិទទ្វារ រហូតដល់ យ៉ាងហោចណាស់ ពាក់កណ្តាលខែមករា ឆ្នាំ២០២២ នេះបើតាមមជ្ឈមណ្ឌលគ្រប់គ្រងស្ថានភាពកូវីដ១៩ ហៅកាត់ថា CCSA ។
Taweesilp Visanuyothin អ្នកនាំពាក្យ CCSA បាននិយាយ នាថ្ងៃទី១២ វិច្ឆិកានេះថា កិច្ចប្រជុំរបស់ CCSA ដឹកនាំដោយលោកនាយករដ្ឋមន្ត្រីថៃ ប្រាយុទ្ធ ចាន់អូចា បានសម្រេចថា រំកិលពេលបើក ផាប់ បារ និងខារ៉ាអូខេ ដែលធ្លាប់ថា គ្រោងនឹងដំណើរការ នាថ្ងៃទី១ ធ្នូនោះ ទៅជាង១ខែទៀត។ យោងតាមស្ថានភាពកូវីដ១៩ កាលបរិច្ឆេតបើកដំណើរការទីតាំងកម្សាន្ត ពេលរាត្រីទាំងនោះ ត្រូវបានកំណត់ថា នឹងបើកទ្វារឡើងវិញ នៅថ្ងៃទី១៦ មករា ហើយតាមតំបន់ទៀត។
អ្នកនាំពាក្យរូបនេះបានបន្តទៀតថា ចាប់តាំងពីបើកប្រទេស កាលពីថ្ងៃទី១ វិច្ឆិកា មក គ្រឿងស្រវឹងត្រូវបានអនុញ្ញាតឲ្យលក់ត្រឹមភោជនីយដ្ឋាន និង អាហារដ្ឋាន ប៉ុណ្ណោះ នៅបាងកក, Krabi, Phangnga និង Phuket ៕