យប់នេះ វៀតណាមថាឆ្លង ជិត១ម៉ឺននាក់ ស្លាប់ជិត៩០នាក់ ទៀត
នាយប់ថ្ងៃទី១៦ វិច្ឆិកា ២០២១នេះ ក្រសួងសុខាភិបាលវៀតណាមបានប្រកាសរកឃើញករណីឆ្លងជំងឺកូវីដ១៩ ចំនួន ៩៦៥០ករណីបន្ថែមទៀត ក្នុងរយៈពេល២៤ម៉ោងចុងក្រោយ។ ក្រៅពីនេះ ក៏មានស្លាប់មនុស្សព្រោះជំងឺនេះ ចំនួន៨៧នាក់ទៀតដែរ។
ក្រសួងថា ក្នុងចំណោមករណីឆ្លងថ្មីៗខាងលើ មានតែ៩ករណី ជាករណីនាំចូល ក្រៅពីនោះ ជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលដាលជំងឺនេះ បានរ៉ាប់រងចំនួន១១៨៣ករណី។
គិតត្រឹមយប់ថ្ងៃទី១៦ ខែវិច្ឆិកា ឆ្នាំ២០២១ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ១,០៤៥,៣៩៧នាក់ ក្នុងនោះអ្នកជំងឺជាសះស្បើយចំនួន ៨៧០,៩៩៧នាក់ ចំណែកអ្នកស្លាប់សរុបចំនួន ២៣,២៧០នាក់៕
