លោកស៊ី ជីនពីង ប្ដេជ្ញាផ្គត់ផ្គង់វ៉ាក់សាំងកូវីដ-១៩ចំនួនមួយពាន់លានដូសទៅឱ្យទ្វីបអាហ្វ្រិក
កាលពីថ្ងៃចន្ទ ទី២៩ប្រធានាធិបតីចិនលោកស៊ី ជីនពីងបាននិយាយថាប្រទេសលោកនឹងផ្គត់ផ្គង់វ៉ាក់សាំងកូវីដ-១៩ចំនួនមួយពាន់លានដូសបន្ថែមទៅឱ្យទ្វីបអាហ្វ្រិក ហើយបានជំរុញឱ្យក្រុមហ៊ុនចិនធ្វើការវិនិយោគយ៉ាងហោចណាស់ ១០ ពាន់ដុល្លារក្នុងទ្វីបនេះនៅរយៈពេលបីឆ្នាំខាងមុខ។
ប្រទេសចិនបានផ្គត់ផ្គង់វ៉ាក់សាំងជិត ២០០ លានដូសទៅឱ្យអាហ្វ្រិករួចទៅហើយ។ ទ្វីបនេះមានអត្រាចាក់វ៉ាក់សាំងទាបជាងគេក្នុងពិភពលោក ខណៈពេលដែលការព្រួយបារម្ភកំពុងកើនឡើងនៅទូទាំងពិភពលោកជុំវិញការរកឃើញវីរុសកូរ៉ូណាបម្លែងថ្មី «អូមីក្រុង» នៅតំបន់អាហ្វ្រិកខាងត្បូង។
នៅក្នុងការថ្លែងសុន្ទរកថាតាមរយៈវីដេអូបើកវេទិកាកិច្ចសហប្រតិបត្តិការចិន-អាហ្វ្រិកលោកស៊ីបាននិយាយថាវ៉ាក់សាំងចំនួន ៦០០ លានដូសនឹងផ្ដល់ជូនជាការបរិច្ចាគពីប្រទេសចិន ហើយ ៤០០ លានដូសផ្សេងទៀតផ្គត់ផ្គង់ដោយមធ្យោបាយផ្សេងទៀត ដូចជាការផលិតរួមគ្នាដោយក្រុមហ៊ុនចិន នៅប្រទេសអាហ្វ្រិកមួយចំនួន៕
ប្រភព៖ Reuters