នាយករដ្ឋមន្ត្រីឡាវលោក ផនខាំ វីផាវ៉ាន់ បានអញ្ជើញជួបប្រធានព្រឹទ្ធសភានៃប្រទេសកម្ពុជានៅថ្ងៃចុងក្រោយ នៃដំណើរទស្សនកិច្ច។ លោក ផនខាំ វីផាវ៉ាន់ បានវាយតម្លៃខ្ពស់ចំពោះការរីចម្រើនរបស់ប្រទេសកម្ពុជា និងបាន សម្តែងនូវការកោតសរសើរ និងអបអរសាទរ ចំពោះការដឹកនាំដ៏ត្រឹមត្រូវរបស់ព្រឹទ្ធសភា, រដ្ឋសភា និងរាជរដ្ឋាភិ បាលកម្ពុជា បើទោះបីជាប្រទេសកម្ពុជាបានជួបការលំបាកក្នុងការប្រយុទ្ធប្រឆាំងនិងទប់ស្តាត់នឹងជំងឺកូវីដ-១៩ យ៉ាងណាក៏ដោយ។ ក្នុងជំនួបនោះ សម្តេចវិបុលសេនាភក្តីសាយឈុំ បានថ្លែងលើកទឹកចិត្តរដ្ឋាភិបាលឡាវ ក្នុង ការដោះស្រាយបញ្ហាព្រំដែនដែលនៅសេសសល់៕