ឡាវដំណើរការផ្លូវរថភ្លើង តម្លៃ៦ពាន់លាន
ទីភ្នាក់ងារព័ត៌មាន CNA បានចេញផ្សាយថា ប្រទេសឡាវបើកដំណើរការជាផ្លូវការ នូវផ្លូវរថភ្លើងតម្លៃ ៦ពាន់លានដុល្លារអាមេរិក នាថ្ងៃទី៣ ធ្នូ ២០២១នេះ។
ប្រភពថា ផ្លូវរថភ្លើងនេះសាងសង់ដោយភាគីចិន ខណៈឡាវសង្ឃឹមថា នឹងចូលរួមចំណែកស្តារសេដ្ឋកិច្ចឡើងវិញ។
ប្រភពបញ្ជាក់ដែរថា ផ្លូវនេះមានចម្ងាយ ៤២៤ គ.ម ចំណាយពេលសាងសង់ ៥ឆ្នាំ ស្ថិតក្រោមគំនិតផ្តួចផ្តើម ខ្សែក្រវាត់ និងផ្លូវ។
ផ្លូវរថភ្លើងនេះនឹងភ្ជាប់ក្រុងគុនមីង នៅចិន ទៅក្រុងវៀងចន្ទន៍ នៅឡាវ ជាមួយនឹងគម្រោងសាងសង់ផ្លូវរថភ្លើងល្បឿនលឿន ដោយនៅទីបំផុត កាត់តាមថៃនិងម៉ាឡេស៊ី ឆ្ពោះទៅសិង្ហបុរី៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
