រដ្ឋមន្ត្រីការបរទេសកម្ពុជានិងហ្វីលីពីនជាមួយនឹងគណៈប្រតិភូរៀងៗខ្លួន បានធ្វើកិច្ចពិភាក្សាគ្នារយៈពេល២ថ្ងៃ កន្លងមកនេះតាមប្រព័ន្ធវីដេអូក្នុងកិច្ចប្រជុំលើកទី៣របស់គណៈកម្មការចម្រុះកម្ពុជា ហ្វីលីពីនស្តីពីកិច្ចសហប្រតិ បត្តិការទ្វេភាគី។

ក្រសួងការបរទេសកម្ពុជាបានថ្លែងថា កិច្ចប្រជុំ​លើកទី៣របស់គណៈកម្មការចម្រុះកម្ពុជា-ហ្វីលី ពីនរវាងពីថ្ងៃទី១និង២ធ្នូ តាមប្រព័ន្ធវីដេអូ ស្តីពីកិច្ចសហប្រតិបត្តិការទ្វភាគីបាន ប្រព្រឹត្តទៅក្នុងបរិយាកាសស្និទ្ធ ស្នាលមិត្តភាពកិច្ចសហប្រតិបត្តិការ និងការយោគយល់គ្នាទៅវិញទៅមក និងបានឆ្លុះបញ្ចាំងនូវទំនាក់ទំនង ដ៏ជិត ស្និទ្ធនិងការប្តេជ្ញាចិត្តដ៏មុតមាំ, ជំរុញកិច្ចសហប្រតិបត្តិការដែលផ្តល់ផលប្រយោជន៍ទៅវិញ ទៅមករវាងប្រទេស ទាំងពីរ៕