ភ្នំពេញ៖ ថ្ងៃទី៦ ខែធ្នូ ឆ្នាំ២០២១ ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យ នៃធនាគារជាតិនៃកម្ពុជា បានអញ្ជើញជាអធិបតីក្នុងពិធីបើកសិក្ខាសាលា ស្ដីពី “ការទទួលបានឥណទានរបស់សហ-គ្រាសធុនតូច និងមធ្យម” តាមរយៈប្រព័ន្ធអនឡាញ។

សិក្ខាសាលានេះ ត្រូវបានរៀបចំឡើងដោយ សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងអង្គការផេកប្រចាំកម្ពុជា។ គោលបំណងនៃសិក្ខាសាលានេះ គឺដើម្បីចែករំលែកបទពិសោធន៍ និងចំណេះដឹង ដើម្បីបង្កើនការយល់ដឹង ពីការទទួលបានឥណទាន និងពិភាក្សាពីដំណោះស្រាយ លើបញ្ហាប្រឈម របស់សហ-គ្រាសធុនតូច និងមធ្យម ជាពិសេសសហគ្រិនជា ស្រ្តី ដែលបាន និងកំពុងជួបប្រទះ ក្នុងការទទួលបានហិរញ្ញប្បទាន។ ដោយ/ វ៉េង លឹមហួត