ភ្នំពេញ៖ សម្តេចតេជោ ហ៊ុន សែន បញ្ជាកម្លាំងប្រដាប់អាវុធ អោយកំទេចចោលទាំងអស់ អ្នកដែលចង់មកប៉ះពាល់រដ្ឋធម្មនុញ្ញ និងសន្តិសុខជាតិ នេះជាសារអ្នកចំពោះអ្នកចង់ប្រើបដិវត្តន៍ពណ៌ផ្តួលរំលំរដ្ឋអធិបតេយ្យ និងរាជរដ្ឋាភិបាលស្របច្បាប់។សម្តេចតេជោ ហ៊ុន សែន បានរំឭកពីដំណាក់កាលសង្គ្រាម នៅកម្ពុជាដែលកើតមានជាបន្តបន្ទាប់ ។ សម្តេចតេជោ ថា ចំណុចដែលជាប្រវត្តិសាស្ត្រពិតនេះ គឺជាមេរៀនសម្រាប់សិស្ស និស្សិតសិក្សាស្រាវជ្រាវនៅកម្ពុជា។ ប៉ុន្តែសម្តេចតេជោ នៅតែលើកទឹកចិត្តឱ្យបញ្ចប់សង្គ្រាមដោយការចរចារ ព្រោះថាបទពិសោធន៍នេះ សម្តេចធ្លាប់ធ្វើបានជោគជ័យ ដោយនយោបាយឈ្នះឈ្នះ ធ្វើឱ្យកម្ពុជា ទទួលបានសន្តិភាព និងឯកភាពទឹកដីទាំងស្រុង។ ការ ថ្លែងបែបនេះក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី នៅព្រឹកថ្ងៃទី២៩ ខែធ្នូ ឆ្នាំ២០២១។