ជនជាតិចិនម្នាក់ពាក់ព័ន្ធករណីកែច្នៃ ជួញដូរគ្រឿងញៀនជាង៦គីឡូក្រាម ត្រូវបានសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀនបង្ហាញមុខជាសាធារណៈមុនបញ្ជូនទៅតុលាការ

ភ្នំពេញ ៖  កម្លាំងសមត្ថកិច្ចជំនាញ  នៃមន្ទីរប្រឆាំងគ្រឿងញៀន  នៅរសៀលថ្ងៃទី១៥ ខែមករា ឆ្នាំ ២០២២នេះ  បានបង្ហាញមុខជនសង្ស័យម្នាក់ដែលជាជនជាតិចិនជាប់ពាក់ព័ន្ធករណីកែច្នៃជួញដូរគ្រឿងញៀជាង៦គីឡូក្រាម  ជាសាធារណៈមុននឹងបញ្ជូនទៅកាន់សាលាដំបូងរាជធានីភ្នំពេញដើម្បីចាត់វិធានការទៅតាមនីតិវិធី។
  គួររំលឹកថា  កាលពីថ្ងៃទី១១ ខែមករា ឆ្នាំ២០២២ វេលាម៉ោង១៩:២០នាទី កម្លាំងជំនាញនៃមន្ទីរប្រឆាំងគ្រឿងញៀន(ក៣) ដឹកនាំដោយលោក ឧត្តមសេនីយ៍ទោ ប្រុញ សាន និងលោកឧត្តមសេនីយ៍ទោ ភឹម ចន្ទ័តារ៉ា នាយករងមន្ទីរ ព្រមទាំងមានការសម្របសម្រួលពីលោកទី មុនិន្ទ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានធ្វើការស៊ើបអង្កេត ស្រាវជ្រាវ បង្រ្កាបនៅចំណុច ផ្ទះជួលលេខ១ ផ្លូវលេខ៦ បូរីសែនសុខ សង្កាត់ទួលសង្កែ២ ខណ្ឌប្ញស្សីកែវ រាជធានីភ្នំពេញដោយឃាត់ខ្លួនបានជនសង្ស័យម្នាក់ឈ្មោះ លី ស៊ូចៃ (LY XU JAY) ភេទប្រុស កើតឆ្នាំ១៩៥៩ ជនជាតិ ចិននិងចាប់យកវត្ថុតាងរួមមាន :

-អ៊ិចស្តាស៊ី(MDMA)ទម្ងន់សុទ្ធ ៦ គ.ក្រ ៤០ក្រាម។
-កេតាមីន(KETAMINE)ទម្ងន់សុទ្ធ ១០.២៥ក្រាម។
សរុបសារធាតុញៀនទម្ងន់ ០៦ គ.ក្រ ៥០.២៥ ក្រាម
-សារធាតុផ្សំ ៩ គ.ក្រ ៦៦៥ក្រាម។
-ឧបករណ៍កែច្នៃមួយចំនួន៕ដោយ ៖ ភារ៉ា និងប៊ុនធី

Kien Sereyvuth
Kien Sereyvuth
IT Technical Support
ads banner
ads banner
ads banner