លិចទូកជនអន្តោប្រវេសន៍នៅម៉ាឡេស៊ី បាត់ខ្លួនជិត១០នាក់
ជនអន្តោប្រវេសន៍ខុសច្បាប់ចំនួន៦នាក់មកពីឥណ្ឌូនេស៊ីត្រូវបានជួយសង្គ្រោះ និង៧នាក់ផ្សេងទៀតបា.ត់ខ្លួន បន្ទាប់ពីទូករបស់ពួកគេលិ.ចនៅសមុទ្រ ស្ថិតក្នុងស្រុក Pontian ប្រទេសម៉ាឡេស៊ី នៅថ្ងៃអង្គារ ទី១៨ មករា នេះ។
ស្រុក Pontian ស្ថិតនៅភាគនិរតីនៃរដ្ឋ Johor ទល់មុខច្រកសមុទ្រ Malacca។
លោក Hizam Zakaria ប្រធានដែនសមុទ្រដ្ឋ Johor បាននិយាយថា មជ្ឈមណ្ឌលសង្គ្រោះនៃដែនសមុទ្របានទទួលរបាយការណ៍អំពីមនុស្សចំនួន៦នាក់ត្រូវបានជួយសង្ក្រោះដោយទូកនេសាទមួយគ្រឿង។
លោកថ្លែងថា បើយោងតាមអ្នកនៅរស់រានមានជីវិត មានមនុស្សចំនួន ១៣នាក់នៅលើទូកដែលលិ.ច។
លោកថ្លែងក្នុងសេចក្តីប្រកាសថា «បន្ទាប់ពីមានសេចក្តីរាយការណ៍ពីករណីលិចទូកនៅម៉ោង ១០ព្រឹក ប្រតិបត្តិការស្វែងរក និងសង្គ្រោះបានចាប់ផ្តើមឡើងនៅម៉ោង ១០:២០នាទី»។
លោកបញ្ជាក់ទៀតថា មានការប្រើប្រាស់យន្តហោះមួយគ្រឿង និងទូក១២គ្រឿងដើម្បីស្វែងរកអ្នកបា.ត់ខ្លួន៕
