កម្ពុជាមានករណីឆ្លងវីរុសអូមីក្រុង ចំនួន៣៧ករណី នៅថ្ងៃព្រហស្បតិ៍នេះ(Video Inside)
កម្ពុជាមានករណីឆ្លងវីរុសអូមីក្រុងថ្ងៃនេះ ចំនួន៣៧ករណី ដែលនាំឱ្យតួលេខឆ្លងវីរុសបំប្លែងថ្មីអូមីក្រុងបានកើន ដល់៤៧៣ករណីហើយក្នុងប្រទេសកម្ពុជា។
យោងតាមក្រសួងសុខាភិបាល ក្នុងចំណោមតួលេខឆ្លង៣៧ករណី នេះវីរុសបំប្លែងថ្មីអូមីក្រុងនេះ ការឆ្លងចូលក្នុងសហគមមាន១៩ករណី, ចំណែកការឆ្លងនាំចួលមកពីក្រៅមាន១៨ ករណី។ គិតត្រឹមថ្ងៃទី២០មករានេះ, តួលេខឆ្លងអូមីក្រុងក្នុងសហគមន៍បានកើនដល់១២២ករណីហើយ។ កម្ពុជានៅថ្ងៃព្រហស្បតិ៍នេះ មិនមានករណីស្លាប់ដោយជម្ងឺកូវីដ-១៩ឡើយ ដែលការចៀសផុតពីការបាត់បង់ ជីវិតនេះ បានបន្តជាប់គ្នារយៈពេល១៦ថ្ងៃហើយ។
កម្ពុជាគិតត្រឹមថ្ងៃទី២០ខែមករាឆ្នាំ២០២២, ការឆ្លងជំងឺកូវីដ ១៩សរុបទូទាំងប្រទេសមានចំនួន១២ម៉ឺន៩១៤ករណី, ការព្យាបាលជាសះស្បើយមានចំនួន១១ម៉ឺន៧ពាន់១៦២ នាក់រួម ទាំងការព្យាបាលជាសះស្បើយថ្ងៃនេះ ចំនួន១៦នាក់ថែមទៀត, ចំណែកការស្លាប់នៅមានតួលេខ ៣ពាន់ ១៥ នាក់ ជាដដែល៕