បាតុករនៅបារាំង ធ្វើបាតុកម្មប្រឆាំងនឹងប័ណ្ណវ៉ាក់សាំងកូវីដ
មនុស្សរាប់រយនាក់ បានចូលរួមបាតុកម្មទ្រង់ទ្រាយតូចជាបន្តបន្ទាប់ក្នុងប្រទេសបារាំងកាលពីថ្ងៃសៅរ៍ ពោលគឺ២ថ្ងៃមុនពេលការរឹតត្បិតកាន់តែតឹងរ៉ឹងចូលជាធរមានប្រឆាំងនឹងបុគ្គល ដែលរារាំងការមានវ៉ាក់សាំងកូវីដ។
អ្នកប្រឆាំងនៃគោលនយោបាយនេះ និយាយថា វិធានការពង្រឹងនឹងប៉ះពាល់ដល់ “សេរីភាព” ប្រចាំថ្ងៃ និងបានរិះគន់ ចំពោះអ្វីដែលពួកគេហៅថាទម្រង់នៃ ”ការរើសអើង” សង្គម។
ទីក្រុងប៉ារីស ឃើញមានការជួបជុំចំនួន ៤ ដែលភាគច្រើនចូលរួម ដោយអ្នកគាំទ្រអ្នកនយោបាយជាតិនិយម និងបេក្ខជនប្រធានាធិបតីប្រឆាំងសហភាពអឺរ៉ុប Florian Philippot ដែលខ្លះជា ឪពុកម្តាយ ដែលបាននាំកូនមកជាមួយ។
អ្នក ដែលដើរក្បួនប្រឆាំងនឹងការរឹតបន្តឹងចុងក្រោយបំផុតនៃច្បាប់ «អត់ម៉ាស់ អត់ការងារធ្វើ» ខណៈដែលពួកគេបានគ្រវីទង់ជាតិបារាំង និងកាន់បដាទាមទារ “សេរីភាព” “ការពិត” និងជំរុញឱ្យ “កុំប្រកាន់ពូជសាសន៍”។
ទោះបីជាទំហំនៃការតវ៉ាបានធ្លាក់ចុះក្នុងរយៈពេលប៉ុន្មានសប្តាហ៍ថ្មីៗនេះក៏ដោយ ក៏នៅតែមានការខឹងសម្បារ ចំពោះលោក Macron ដែលបានព្រមានថា គាត់នឹងបន្តការរឹតបន្តឹងរហូតដល់អ្នក ដែលមិនបានចាក់វ៉ាក់សាំងទៅចាក់វ៉ាក់សាំងវិញ ដោយឯកឯង។
គួរបញ្ជក់ផងដែរថា លិខិតឆ្លងដែនសុខភាពវ៉ាក់សាំងថ្មី នឹងត្រូវដាក់ឱ្យប្រើប្រាស់ក្នុងប្រទេសបារាំងចាប់ពីថ្ងៃ ច័ន្ទនេះតទៅ ដែលមនុស្សមានអាយុចាប់ពី ១៦ ឆ្នាំឡើងទៅនឹងត្រូវបង្ហាញប័ណ្ណនេះ ដើម្បីចូលទៅកាន់ភោជនីយដ្ឋាន ឬបារ សកម្មភាពកម្សាន្ត ឬប្រើប្រាស់ការដឹកជញ្ជូនសាធារណៈអន្តរតំបន់។
ប្រភព៖ CNA
