រុស្ស៊ីព្រមានអង់គ្លេសប្រឆាំងនឹងការបង្កហេតុដែលល្ងង់ខ្លៅ និងគ្រោះថ្នាក់ ទាក់ទងនឹងរដ្ឋប្រហារនៅអ៊ុយក្រែន
ស្ថានទូតរុស្ស៊ីនៅទីក្រុងឡុងដ៍ព្រមានថា អង់គ្លេសគួរតែបញ្ឈប់ការញុះញង់វោហាសាស្ត្រ “ល្ងង់ និងគ្រោះថ្នាក់” របស់ខ្លួនទាក់ទងនឹងវិបត្តិអ៊ុយក្រែន។
សេចក្តីថ្លែងការណ៍នេះធ្វើឡើងដើម្បីឆ្លើយតបនឹងការចោទប្រកាន់របស់ទីក្រុងឡុងដ៍ដែលថា រុស្ស៊ីគ្រោងនឹងបង្កើតរដ្ឋាភិបាលអាយ៉ងនៅទីក្រុងគៀវ។ អង់គ្លេសថែមទាំងបានតែងតាំងអតីតសមាជិកសភាអ៊ុយក្រែនលោក យ៉េវហេន ម៉ូរ៉ាយ៉េវ ជាបេក្ខជនដ៏មានសក្តានុពល បើទោះបីជាគាត់ត្រូវបានដាក់ទណ្ឌកម្មដោយទីក្រុងម៉ូស្គូក្នុងឆ្នាំ ២០១៨ ក៏ដោយ។ អ្នកការទូតរុស្ស៊ីក៏បានស្តីបន្ទោសរដ្ឋមន្ត្រីការបរទេសអង់គ្លេសលោកស្រី លីស ទ្រូស ដែលបាននិយាយថា អ៊ុយក្រែនបានប្រយុទ្ធប្រឆាំងនឹងការឈ្លានពានជាច្រើន “ពីម៉ុងហ្គោលដល់តាតាស” ដែលជារឿងដូចគ្នា។
ជាការឆ្លើយតបនោះ ស្ថានទូតរុស្ស៊ីប្រចាំទីក្រុងឡុងដ៍បន្ថែមថា វាគឺជាឧទាហរណ៍ដ៏ល្អឥតខ្ចោះនៃស្តង់ដារវិជ្ជាជីវៈទាប ក្នុងចំណោមអ្នកនយោ បាយអង់គ្លេស។ បន្ថែមលើនេះ ក្រសួងការបរទេសរុស្ស៊ីបានចេញមុខចោទប្រកាន់បកទៅវិញថា អង្គការ NATO ទៅវិញទេ គឺជាអ្នកបង្កភាពតានតឹងសព្វថ្ងៃពាក់ព័ន្ធនឹងវិបត្តិអ៊ុយក្រែន៕ ប្រភព៖ Sputniknews