រថយន្តស៊េរីទំនេីបបេីកគេចពីម៉ូតូរេចង្កូតឡេីងសួនផ្កាមុខបុរីពិភពថ្មី (ចំការដូង)រងការខូចខាតយ៉ាងដំណំ
ភ្នំពេញ ៖ បុរសម្នាក់បេីករថយន្តស៊េរីទំនេីប LEXUS NX200t បានគេចពីម៉ូតូរេចង្កូតឡេីងលេីសួនផ្កាមុខបុរី ពិភពថ្មី រងការខូចខាតយ៉ាងដំណំ សំណាងដែរមិនបង្កឲ្យមនុស្សរងរបួស ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១ និង១០នាទីរំលងអាធ្រាត្រ ឈានចូលថ្ងៃទី ២៥ ខែមករា ឆ្នាំ ២០២២ ត្រង់ចំណុចមុខបុរីពិភពថ្មី តាមបណ្ដោយផ្លូវ២១៧ ក្នុងសង្កាត់ដង្កោ ខណ្ឌដង្កោ ។
តាមប្រភពព័ត៌មានពីកន្លែងកេីតហេតុបានឲ្យដឹងថា នៅពេលកេីតហេតុគេឃេីញរថយន្តស៊េរីទំនេីបម៉ាក LEXUS NX200t ពណ៌ស ពាក់ស្លាកលេខភ្នំពេញ 2BB-9988 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវ២១៧ ទិសដៅពីជេីងទៅត្បូងក្នុងល្បឿនលឿន ខណៈមកដល់ចំណុចកេីតហេតុស្រាប់តែមានម៉ូតូមួយគ្រឿងមិនចាំម៉ាកបានបេីកកាត់ពីមុខ ទេីបធ្វេីឲ្យតៃកុងរថយន្តរេចង្កូតមកសាំដៃបុកខឿន និងឡេីងលេីសួនផ្កា ព្រមទាំងពោបលេីផ្តាំងថ្មដ៏ធំមួយរងការខូចខាតយ៉ាងដំណំ សំណាងល្អដែរមិនបង្កគ្រោះថ្នាក់ដល់មនុស្ស ឬសម្បត្តិរដ្ឋឡេីយ ។
ក្រោយកេីតហេតុភ្លាមៗ សមត្ថកិច្ចមូលដ្ឋានបានចុះមកដល់ដេីម្បីពិនិត្យមេីលជាក់ស្ដែងឃេីញថា រថយន្តបង្កខាងលេីមិនបានប៉ះពាល់សម្បត្តិរដ្ឋ ទេីបឲ្យតៃកុងរថយន្តបង្កដោះស្រាយជាមួយតំណាងក្រុមហ៊ុន បុរីពិភពថ្មី ដេីម្បីបញ្ចប់រឿងយករថយន្តទៅជួសជុលដោយខ្លួនឯង ៕ដោយ ៖ ជីម ភារ៉ា