សិង្ហបុរីចុះកិច្ចព្រមព្រៀងពាណិជ្ជកម្មសេរីជាមួយប្រទេសអាមេរិកឡាទីន
រដ្ឋាភិបាលសិង្ហបុរីបានចុះកិច្ចព្រមព្រៀងពាណិជ្ជកម្មសេរីជាមួយប្រទេសសម្ព័ន្ធប៉ាស៊ីហ្វិក រួមមានប្រទេសអាមេរិកឡាទីនចំនួន ៤ប្រទេសដូចជា កូឡុំប៊ី ម៉ិកស៊ីកូ ប៉េរូ និងឈីលី កាលពីថ្ងៃពុធកន្លងទៅ។
កិច្ចព្រមព្រៀងនេះនឹងសម្របសម្រួលដល់កិច្ចសហប្រតិបត្តិការផ្នែកថាមពល ហេដ្ឋារចនាសម្ព័ន្ធ ឧស្សាហកម្មឌីជីថល និងអាហារ ក៏ដូចជាការដឹកជញ្ជូនតាមតាមកប៉ាល់ និងភស្តុភារផ្នែកកំពង់ផែ។ នេះបើតាមសេចក្ដីថ្លែងការណ៍របស់រដ្ឋាភិបាលកូឡុំប៊ី។
ប្រភពខាងលើបានបន្ថែមថា ប្រទេសសម្ព័ន្ធប៉ាស៊ីហ្វិកនឹងធ្វើបត្យាប័នកិច្ចព្រមព្រៀងពាណិជ្ជកម្មនេះនៅក្នុងសភារបស់ខ្លួន។ កិច្ចព្រមព្រៀងនេះនឹងចូលជាធរមាននៅពេលណាដែលសភាយ៉ាងតិច ២ប្រទេសទទួលស្គាល់នូវឯកសារនេះ។
លោក លី សៀនឡុង នាយករដ្ឋមន្ត្រីសិង្ហបុរីបាននិយាយនៅតាមប្រព័ន្ធវីដេអូថា កិច្ចព្រមព្រៀងនេះនឹង «ធ្វើស្ថាប័នីយកម្ម និងពង្រឹងទំនាក់ទំនងសេដ្ឋកិច្ចរវាងភាគីទាំងសងខាង»៕
ប្រភព៖ Reuters